Bible ka rel lengmang tikah Pathian nih a ngaihthiam khawh lomi sualnak hi same-sex (homosexuality hi a si ko rua.
Nitlak lei ram Khrihfami hna nih cun same-sex (homosexuality) an cohlan thluahmah cang. Naite i, Vatican nih a reporting ah cun Roman Catholic tlangbawi chungah 20-60% cu Gay an si a ti (Nov. 22nd, 2013 edition). Gay cu pa le pa karlak ah duhnak a ngei i, same- sex ah nuamhnak a kawlmi an si. Khrihfabu nih cohlaan awk a si ko tiah an namneh tuk caah Pope Benedict zong a rian in a ngol phah. Fim hlei- ruahnak kau liberal Khrihfabu nih cun an cohlan thluahmah cang. A rauh hlan ah Conservative Khrihfa bu zong nih hi bantuk Satan riantuannak hi a cohlan colh ve te lai. Democracy ram hna ah cun same sex doh te hna hi political mit in a hmaan ti lo. Ralrin ngai a haumi a si.
Nitlak lei ram Khrihfami hna nih cun same-sex (homosexuality) an cohlan thluahmah cang. Naite i, Vatican nih a reporting ah cun Roman Catholic tlangbawi chungah 20-60% cu Gay an si a ti (Nov. 22nd, 2013 edition). Gay cu pa le pa karlak ah duhnak a ngei i, same- sex ah nuamhnak a kawlmi an si. Khrihfabu nih cohlaan awk a si ko tiah an namneh tuk caah Pope Benedict zong a rian in a ngol phah. Fim hlei- ruahnak kau liberal Khrihfabu nih cun an cohlan thluahmah cang. A rauh hlan ah Conservative Khrihfa bu zong nih hi bantuk Satan riantuannak hi a cohlan colh ve te lai. Democracy ram hna ah cun same sex doh te hna hi political mit in a hmaan ti lo. Ralrin ngai a haumi a si.
Atlanta Aids Control Group nih an chimning ah cun nunchung ca i, aa ummi hna chungah 500-1100 karlak hi Aids zawtnak an ngei. A tlangpi in an thih kum hi 40-50 karlak hi a tam bik. A hlei in 21% cu lainawn, mah le mah thah, accidence in an thi bik hna (The NET daily, September 16, 2005). Paul nih a chim bantukin “nu hmanh nih khan ningcang tein hman awk a simi a nu sinak cu ningcang loin an hman i, pakhat le pakhat kha an sual. Cu bantuk thiamthiam in pa zong nih khan ningcang tein nu he um awk cu an hlawt i, anmah le anmah kha an sual. Cu bantuk ningzah awk thil cu pa nih khan a tuah caah cu bantuk thil thalo nih hmuh awk a tlakmi dantatnak cu an hmuh” (Rom 1: 26, 27).
Eden Dum ah khan Pathian nih ei hlah u a timi hna an ei. An ei dih ah a cangmi cu an mit aa ong i, taklawng in kan um timi an theih; an ning a zak. An ning a zah caah Pathian hmuh an ngamh ti lo i, thuhnak an kawl. Sualnak an tuah hlan ah, taklawng in an um ko, asinain ningzah an thei lo. An mit aa on hnu cun an pahnih in sex kha ningzah pi awk a si zia kha an hmuh. Minung sual hram aa thoknak a si. Minung an karh chin lengmang tikah minung fanu le an tam chin lengmang i, an i dawh tuk hna. Vancung minung sual hna (fallen angel) nih an i dawhnak an hmuh hna tikah an duh tuk hna i, an duhmi paoh kha an nupi caah an thit hna. Vancung minung sual hna hmanh nih an duh cangmi hna cu an i dawh hrimhrim lai i, vawlei minung zong nih an duh cio hna; minung le minung kar a siah minung le vancung minung sual hna karlak a siah zuamcawhnak a um ko lai tiah purhdah khawh a si. Thitumnak ah thianhlimnak zong a um ti lai lo ti zong purhdah khawh chih rih a si. Cuticun nu cuhnak ruang, sualnak, le buainak a karh thluahmahnak a si.
Pathian nih a tinhning ahcun nupi tampi thit (polygamy) hi a si lo; pakhat lawng thit (monogamous) hi a si. Cuticun chungkhar tha ser in tefa tampi hrin ding kha a rak duhsakmi a si. Asinain Cain tupa Lamech nih nupi pahnih Adah le Zillah a thit hna i, cuh a ka timmi paoh cu ka thah hna lai tiah fak piin aa chal. Nu kong le nupi kongah zeitluk in dah an rak buai cang timi kahin hmuh khawh a si. Pathian nih minung sualnak a hmuh tikah celh chuak an si ti lo zia kha a hmuh i, Noah Buanchukcho a tlunter. An nunzia aa dawh ti lo caah dantatnak a tlunter. Sualnak a tawl dih cang ko nain Buanchokcho a dih cangka in Ham hmang in sex sualnak aa phuang colh than. A tawinak in kan chim ahcun a pa nih chiat tiang in a serh phah. Cun Genesis 15 ah Pathian nih ‘Amorite sualnak a hmin rih lo’ (Gen 16: 16) a timi hi sex sualnak he aa pehtlaimi a si i, chan li a rauh hnu ah Israel mi hmang in dan a tat hna. Kum 400 chung Pathian nih Amorite sualnak a hngah hna.
Palestine ah Abraham le Sarah an rat lio ah khan Sarah kha ka far a si tiah lih a chim. Issac zong a nupi kongah lih a chim ve. Lih an chim lo ahcun an thah hna hlei ah an nupi le an lakpiak hna lai. Lot zong Sodom le Gomorrah aa thim i, khua a sa ve. Vancung minung nih an tlun hna ah khan khua chungmi nih an khualtlung sual pi awk ah an rak rat hnawh hna. ‘Fanu dawh tete ka ngei ko, kan pek hna lai ka khualtlung cu ngaithiam ko hna u’ tiah a nawl len hna zongah nu sual pi an duh lo. Pa sual pi lawng an duh cang. Same-sex ruangah Pathian dantatnak nih a tlunh hna. Sodom le Gomorrah khuami hna hi nu an duh hna lo ti a fiannak ngai cu Lot fanu le hna kha va ngei an si ko nain sex an tuah rih lo. Lot nih mibu sinah ‘sualnak a tuah rih lomi fanu ka ngei ko’ a timi kha va cu an ngei ko nain sex an tuah rih lo. Pathian dantatnak in an luat ah khan a fanu le nih an pa cu zuu an dinh i, sex an tuah pi. Moab le Ammon miphun an hrin hna. Hi miphun pahnih tuanbia kan zoh ahcun nu le pa sualnak ah a minthangmi an si i, Pathian zong nih Israel mi hna kha nan thi-va hna lai lo tiah a khap hna.
Genesis 38 hi tha tein zoh ahcun Judah le Tamar tuanbia hi Joseph tuanbia karlak ah Moses nih a vun tenh hramhram. Jacob chungkhar Egypt ah kal an hauhnak a langhter duhmi a si. Palestine ah an um peng ahcun an ziaza a rawk dih lai i, an tlau dih lai. Tamar kha Judah fapa nupi a si. Asinain Pathian hmai ah an sual caah Pathian nih a thah hna. A hnu ah Tamar kha hlawhhlang nu bantukin aa umter i, Judah nih a ih pi. Hi vial hi si ko seh law, nu le pa sualnak ah zeitluk in dah an i thlahtham hna ti cu an sining zoh tikah a fiang tuk.
Pathian nih zei ruangah dah cuarpar tannak phunglam hi biakam hmelchunhnak caah a pek hna timi fak piin ruah awk a um. Zawtnak khamtu le same-sex caah hman awk tha hlah seh tiah a duh caah maw a si hnga maw timi hi ruah ding a um. Pathian nih a huatning cu an thawhlawm hmanh cohlan a duh lo. Israel fanu le lakah hlawhhlang um hna hlah seh law, Israel fapa le lak zongah um hna hlah seh tiah a ti (Deut 23: 17-18). ‘Hlawhhlang’ a timi biafang hi Hebrew in Kelev ti a si, a sulam cu ‘uico’ ti a si. ‘Uico’ timi biafang a hmanmi cu ‘uico’ sex umtuning khi a si. Pathian nih a huat i, a inn chung hmanh ah an thawhlawm chiah a duh lo. Paul nih a vun pehtonhmi hmuh khawh a si, “uico kha rak i ralring hna u, thil thalo a tuahmi hna kha rak i ralring hna u, a hmaan lomi cuarpar tannak kha rak i ralring hna u’ a ti (Phi 3: 2). Biakam Hlun chan lio sualnak kha an hmaan peng rih caah Paul nih ralrin peknak a chimmi a si.
Joshua a vun dih in, Biaceihtu a vun si. Biaceihtu chungah kan hmuh thanmi cu Levite pa cu Benjamin khua pakhat Gibeah ah a rak phan. Ephraim miphun pa inn ah a tlung. Sodom le Gomorrah khua i, Lot a um i, vancung minung nih an tlunning he aa lo ngai. Gibeah khuami nih cun Ephraim inn ah a tlungmi Levite pa cu sex tuah pi an duh ve. Lot nih a fanu le hna pek a timh hna bantukin Ephraim pa nih cun pa a thei rih lomi a fanu le Levite pa nupi chun cu a pek hna Biaceihtu 19: 22, cf Gen 19: 5). Zeidah a cang ti ah cun Israel miphun dang nih Benjamin miphun cu an tuk hna i, minung 600 dah ti lo cu an thah dih hna.
Biakam Thar lei kan zoh than ahcun same-sex hi Pathian nih a huat ngaimi a si. Paul nih Corinth khuami sinah cakuat a tial i, ‘Pathian pennak chungah an lut kho lai lo’ tiah fiang tein a chim (1 Corinth 6: 9). Cun Pathian thangthatnak an ngeih tikah nu nih an lu kha puan in khuh hna seh tiah a cawnpiak hna. Corinth khua hlawhhlang nu cu an sam kha an i tan i, cuticun an pathian caah kaa pumpe tinak kha an langhter. Hindu biakinn khi zoh than u law, tlangbawi nih angki an i hruk lo. Paul nih a lettiling in a vun chim: Khrihfa nu nih nan sam kha sauter u law nan lu kha khuh seh. Cuticun Pathian sinah nan i pumpeknak kha langhter u tiah a fial hna.
Lukhun bu in upat i pek te hna i toidor le thianhlim a langhtermi a si. Cheukhat cu an lu khi puan in an i khuh, a sullam cu toidornak an langhternak a si. Cun Paul nih Phi 3: 2 ah ‘uico’ (kune) biafang a hmanmi hi Biakam Hlun i, ‘uico’ (kelev) he aa lo, an sawh duhmi cu hlawhhlang ti khi a si. ‘Thil thalo a tuahmi hna’ tiah a chim duhmi cu kha bantukin sualnak a tuah hna kha an si i, ‘a hmaan lomi cuarpar tan hna’ tiah a chim duh thanmi cu, cuarpar cu an i tan ve ko nain pa le pa sualnak an tuah thiamthiam ti kha a si. Pathian nih Israel sinah cuarpar nan i tan lai a timi hi pa le pa sualnak thalo tuah hna hlah she ti a duh chih caah a si khomi a si. Cu ruangah Pathian nih ‘a hmaan lomi cuarpar tan hna’ tiah a uahnak hna hi a si. Johan nih a donghnak ah fiang chinchin in a chimmi hi rel cio rih u (Biathlam 22: 15).
Lukhun bu in upat i pek te hna i toidor le thianhlim a langhtermi a si. Cheukhat cu an lu khi puan in an i khuh, a sullam cu toidornak an langhternak a si. Cun Paul nih Phi 3: 2 ah ‘uico’ (kune) biafang a hmanmi hi Biakam Hlun i, ‘uico’ (kelev) he aa lo, an sawh duhmi cu hlawhhlang ti khi a si. ‘Thil thalo a tuahmi hna’ tiah a chim duhmi cu kha bantukin sualnak a tuah hna kha an si i, ‘a hmaan lomi cuarpar tan hna’ tiah a chim duh thanmi cu, cuarpar cu an i tan ve ko nain pa le pa sualnak an tuah thiamthiam ti kha a si. Pathian nih Israel sinah cuarpar nan i tan lai a timi hi pa le pa sualnak thalo tuah hna hlah she ti a duh chih caah a si khomi a si. Cu ruangah Pathian nih ‘a hmaan lomi cuarpar tan hna’ tiah a uahnak hna hi a si. Johan nih a donghnak ah fiang chinchin in a chimmi hi rel cio rih u (Biathlam 22: 15).
Same-sex hi Pathian nih a huatmi a si. Genesis in Biathlam tiang a dohmi sualnak thalo a si. Pathian nih thitumnak a sermi cu nu le pa a si i, taksa khat hrawmter ding in a duhsakpiami an si. Cuticun Pathian biakam a tling lai, “thei tampi in tlai u law vawlei ah khat u’ (Gen 2: 24). Paul nih ni dongh ni ah cun ‘anmah le anmah aa duhmi an si lai, nuamhnak a dumi an si lai, amah le amah a auk kho lomi an si’ a ti (1 Tim 3: 1-3). Daniel nih Khrihfa dohtu kong a chim, “a pale pathian zong a upat lai lo, nu duhnak zong a ngei lai lo’ a ti (Dan 11: 37). Satan nih same-sex hi a larter chin lengmang cang. Khrihfa dohtu (antichrist) zong hi sames-sex (homosexuality) a duhmi a si. Hlawhhlang nu Rahab, Hlawhhlang nu fa Jephthah, Hlawhhlang nu sinah a kalmi Judah kong kan zoh tikah Jesuh Khrih chungkhar an si. Asinain khamhnak ro an co. Bible ah nupi tampi a ngeimi an um ko. Hlawhhlang tampi an um ko. Nuchun nupi a ngeimi an um ko. Bible ah cohlan a sinak kan hmuh hna, asinain Pathian nih same-sex (homosexual) a tuahmi hna cu a cohlang hna lo. A huat tuk hna. Dan a tat hna.