Australia, Adelaide i inn pakhat ah nu pakhat nih chihzawh 14 cu ti lo, rawl loin inn a hrenhkhumh hna. Ni le caan sau tuk a chiah hna tikah tihal le rawltam in anmah le anmah an rak i seh i an rak ei dih, a donghnak cun pakhat te lawng thi deng in a rak nung.
A rak nungmi pakhat te cu Trooper an ti i, RSPCA Inspectors nih an va khamh ahcun a rak tap i, thazaang zong a ngei ti lo. Chief Inspector Andrea Lewis nih a chimmi cu 'kan hmuh ah hin kan lungthin a kan khuai dih. Kan lungthin ah sau tuk a cam lai' tiah a chim.
Chizawh dang 13 cu inn chung kip ah an rak i thentek dih cang hna. Hmuh ah hin minung fa nih celh ding a si lo. Khuaruah tam tuk a si tiah a chim chih.
Inspector Lewis nih a chimmi cu 'saram ngeitu nih cozah phung in tuanvo an ngei ve. An saram an zohkhanh khawh ti lo ahcun lam dangdang a um ko a ti. 'Na saram na zohkhanh khawh ti lo ding a si ahcun na hawi an siah na chungkhar dang an siah na innpa an siah zohkhanhter khawh an si a ti.
A chim thanmi cu 'lam dang a um thanmi cu RSPCA South Australia or AWL tbk i samram zohkhanhnak ah chiah khawh an si. Fawi tein na saram na kal tak i, n ahlaw kho lo. Cozah phung in saram zohkhanh tuanvo na ngei. Hi bantuk tiang hna hi cu a um ding hrim a si lo' a ti.
Port Adelaide magistrates court ah a kong an ceih. Mental leiin a dam ruah lo tiah an ruah caah saram zua kho ti lo ding in an kham cang. RSPCA South Australia zohkhanhnak tangah Chizawh te a dam cang. Ref: The Sun.