Nilini ah a riantuannnak in bawhte (Sophia) pa cu a rak tin i, a nupi 27 Laura Abarca-Nogueda cu innkhan chungah an rak kah i a rak thi cang. Zarh khat hrawng lawng a simi an fanu te zong a rak um ti lo.
FBI le police nih an hlat lengmang tikah an lunghrinhmi minung le an kahmi nu hi aa theimi an si ti an theih. Bawhte cu an lak i Dallas ah an zam timi an theih. Nirukni in Dallas police le FBI nih an kawl hna i minung pahnih an tlaih hna.
Zing lei 4:30 a.m. in an kawl hna i 9:15 a.m hrawngah bawhte cu an hmuh khawh. Zohkhanhnak ah kan chiah ko. A dam ko tiah Police Chief Gordon Ramsay nih a chim. A rauh hlanah chungkhar sinah kan pek hna lai tiah a chim chih.
Bawhte kong an hlat i, a umnak tiang an theih khawhmi cungah FBI le police riantuannak cu Ramsay nih a thangthat ngai hna. A chim thanmi cu lunghrinhmi an um rih a ti. "Thih takmi chungkhar nan zawn kan in ruat tuk hna' tiah Police chief Ramsay nih a chim chih. Ref: The Wichta Eagle.