Kan hnu zarh ningani ah khan Vice President Mike Pence le a chungkhar cu Hamiltor Music bu zoh ding in baisakawp ah an kal. Mipi nih Pence cu 'boo' an ti pinah hlasa bu hruaitu Dixon nih stage cung in Pence cu a tanglei bantukin a rak ti.
'Sir, miphun kip a simi American hi nan cozah (Trump cozah) nih nan kan rungveng lai lo timi kan phan... tiah a rak au hnawh. 'State cungah kan tuahmi laam le hla nih hin thazaang an pek lai i, American sunhsakmi phung le lam na sawisan lai timi kan zumh' tiah a chim chih.
President thimmi Trump nih cun 'Vice President pakhat zong a si i, kan ram hruaitu ding zong a simi nan upat lo a si. Nan chawnhbiak ning ziaza aa dawhcah lo tuk. Ngaihthiam hal than u' tiah a phomh hna. Asinain Pence cu biahalnak an tuah i, a lehmi hna cu 'ka ngaihthiam ko hna. Kan thinhung lo' tiah a leh hna.
Evangelist minthang Graham nih Pence bialehnak cu 'class act' a si a ti. Duh a nung i, a mak lawmawmi bialehnak a si' tiah fak piin a thangthat. Kan ram nih vice president tha tuk kan ngei i, kan ram caah riantuantu tha a si lai tiah a chimh.
Governor Pence tbk politician minung hna kan ngeih khawh cu Pathian cungah kan i lawm tuk hringhran. Kan ramchung kip ah amah bantuk minung thil thalo si loin biatak a dir pimi tampi kan ram nih kan herh. tiah a chim chih. Ref: CP.