India, Kanpur khua ah tlanglawng aa let i, minung 96 ruak an char cang. A thimi dang zong an um rih kho men tiah theih a si. Hliamhma a tongmi hi a za leng an si cang.
Uttar Prades State in chaklei i Kanpur khua pawngah a si. Aa leh caan hi zing lei local caan 3:00 a.m ah a si. Kanpur’s inspector-general Zaki Ahmed nih a chimmi cu 'aa lehnak hmun ah ruak 96 kan char cang hna. Hi naak in a tam deuh rih khomi a si a ti.
Minung tam ngai, a za leng hi fak ngaiin hliamhhma a ingmi an si. Union Railway Minister Suresh Prabhu nih cun zeiruangah dah aa leh timi kan hlat lai a ti, asinain aa leh lioah a hmutu nih an chim ning ahcun tlanglawng lam a rawkmi ruangah a si a ti.
Medical team le bawmtu nih an zoh cuahmah lio hna a si. Minung phurtu le bawmtu ah Bus zong an hman chih hna. A thimi chungkhar cu tangka in liamh an si lai tiah Prabu nih a chim. PM MOdi nih thihnak a tongmi chungkhar hnemhnak bia a chim. Ref: The Sun.