Donald Trump nih Clinton a tei i, Inn Raang a co khanh tikah khuaruahharnak le thinhunnak in mipi an khat. Twitter in a siah social media dangdang in an siah Donald Trump thahnak bia an tam chin lengmang.
'Vawleicung zalonnak ah hin kah ding a si ko' a timi an tam ngai. Cheukhat nih Trump he Mike Pece he kah ding in an ca post hna. Cheukhat nih cun January 20 i President inaugration ah kah ding a si ko tiin an chim.
Ahodah a kap lai a timi zong an um hna. Nawlngeitu lei zong in hrocernak bia vialte hna cu an hlat cuahmah lio a si. Sungthoh lei biachimtu Nicole Mainor nih cun hrocernak bia an post mi kongah bia an halmi leh le chim a duh lo rih.
Asinain New York Post ah thlithup sungthoh minung pakhat nih a chimmi cu hrocernak bia an chimmi vialte kan hlathlai dih lai a ti. A peh thanmi cu minung pakhat khat nih President Trump thah ding in timhnak an ngeihmi le minung pakhat nih Trump thah ding in midang ruahnak a pekmi hi aa dangmi a si a ti.
Indirect hrocernak hi kan zoh lo. Hrocernak an chimmi hi tha tein kan zoh dih hmasa lai a ti. Ref: New York Post.