Mipi leiin a siah film actor leiin an siah Donald Trump duh lotu an vun tam chin lengmang. Muidawh Emma Stone zong Trump duh lotu cazin chungah a rak lut ve cang.
Kan hnu nihnihni in khan social media cu Trump kongah a linsa ngaingai. An duh lonak lawng hmanh si loin thahnak bia tiang in chim thluahmah a si. Asinain Emman Stone nih cun social media kha a hmanmi a si ve lo caah 8th Annual Governors Awards ah CNN sinah a phuan ve cang.
Thimnak result a vun chuahmi nih a khuaruahharnak le a hnabeidonghnak cu CNN sinah a a phuan. 'La La Land' aa zeih i Oscar zong ah an duh ngaimi Stone nih 'Trump president tlinmi cu ngaihchia ngai a si ko' a ti. Clinton sunghmi zong 'lungfak ngai' a si tiah a chim chih.
'Mipi kan i thangh i kan lung kan i rual a hau cang. Bia kan chim cio hna i kan ralthat ding a si cang' a ti. Stone bia chimmi cu Award Show ah an chim cio. Hi lio hi Jackie Chan upatnak Oscar laksawng an pek lio a si.
'La La Land' director Damien Chazelle zong nih thimnak kong i a hmuh ning a chim ve. Donald Trump president tlin nih 'ka khuaruah a ka harter tuk, asinain ruahchannak ka ngei ko' a ti. Ref: CNN.