A zumhnak ruangah Iran ah kum thum le a cheu chung thong a tlami American Pastor Saeed Abedini nih a chimmi cu President Donald Trump hi American tuanbia ah president tha bik a si lai. Chan thar siangpahrang Cyrus a si lai tiah Pathian nih vision a ka hmuhter a ti.
Donald Trump hi US tuanbia chungah president a tuanmi vialte hna lakah a tha bik president a si lai; Ronald Reagan naak hmanh in a tha deuh lai tiah a facebook ah a tial. Donald Trump hi chan thar siangpahrang Cyrus a si i, Pathian nih a auhmi le chiti a thuhmi a si tiah Pastor Saeed nih a chim.
Sianghrang Cyrus kong hi Isaiah 45 ah hmuh khawh a si. Pathian nih zeitin dah a auh i a thimning a si timi nangmah pumpak in rel ve te.
Pastor Saeed nih a peh thanmi cu 'Trump hi ka hmu bal lo; phone zong in kan i chawn bal lo, asinain Bawipa nih a ka chimh hnu in Trump kong hi ka lungthin ah a khat. Trump cu chan thar Siangpahrang Cyrus a si. Trump hi American ca lawng si loin vawleicung caah a tha lai a ti.
Cheukhat nih cun Trump hnulei sualnak lawng an zoh nain Pathian nih cun a hmalei lawng a zohpiak. Pathian nih Trump hmang in kan caah timhnak tha tuk a ngei a ti. Pathian nih kan president caah a thim caah ka lawm tuk. Trump hi American mipi kan thlacamnak Pathian nih a kan lehnak a si tiah a chim rih.
Thong ka tlak lioah Trump chungkhar nih $10,000 an ka hlut tiah Pastor Saeed nih a chim.