Donald Trump President a tlinnak hi Facebook i a deumi news hna ruangah a si tiah Facebook dirhtu Mark Zuckerberg cu an soisel len. California i Technology Conference ah Facebook sual nan puh ding a si lo tiin a leh hna.
Zuckerberg nih a chimmi cu Facebook i a deumi news pawl nih Donald Trump hi President a tlinter timi ruahnak cu hruh taktak a si' tiah fak ngaiin a chim. A deumi news hi US thimnak i debate a tuahmi an pahnih an i hrawmmi a si tiah a chim chih.
Facebook ruang ah Trump nih a tei ti nan zumh ahcun Trump dirpitu nih hi thimnak an chimmi nan thei lo tinak a si tiah ka ruah a ti.
A chim thanmi cu kaa tinhmi le ka duhmi cu mipi nih facebook hi zalong tein hmanter hna i, vawleicung hi zalong tein pehtlaihter a si. Cu nih cun News Feed tha hi a herhter. Kan tuah cuahmah lio zong a si. Kan thanchoter chin lengmang a ti.
Facebook hi a lar tuk cang i, mi tam tuk nih an hman chin lengmang cang. American mipi hrimhrim nih cun an hram tha tuk ah an hman cangmi a si.