A thurhnawmmi tangka (dirty money) an tipiak men cang hna. Clinton chungkhar hi an min chiat le an min than aa tluk. Zeitluk in dah an minthan i, zeitluk in dah an minchiat timi hi a sang deuh le a niam deuh um loin an kal ti.
President chungkhar an si i, US tuanbia in philh awk an tha ti lo, asinain an tuanbia cu minchiatnak nih zungzal in a zulh ve hna. A dangdang an minchiatnak cu kan chim lai lo i, a thurhnawmmi tangka an hmuhnak kan chim lai. Bill Clinton nih a thli tein $i million cu Qatar in a lak tiah naite ah Wikileak nih an phuan.
Tapung a bawmhmi Saudia Arabia sin zong in bawmhnak an dong tiah phuan an si.
2012 e-mail ah Clinton Foundation director of foreign policy Amitabh Desai nih Clinton sinah cakuat a tial. 'New York ah Willam Jefferon Clinton he minutes 5 tein ton ka duh. Qatar nih 2011 ah a birthday laksawng ah $1 million check an pekmi pek ka duh' a rak ti.
Desai nih Clinton Foundation official hna sinah a tialmi a si. Qatar in a siah Brazil in a siah Malawi in a siah cun Rwanda in a siah Ambassadors hna he an i tonnak kong zong kha Washington DC ah a rak kuat hna.
Clinton Foundation website ah an tial ning ahcun Qatar nih hin $1,000,0000 - $5,000,000 karlak hrawng an bawmh hna. Hi vialte hi Clinton secretary of state a tuan lio a si tiah Breitbart nih a tial. Jerome Corsi nih cun 'an Foundation hi anmah pumpak bank ah an hman' tiah fak ngaiin a soisel ve hna.
Hi hna chungkhar thangchiatnak hi US president chungkhar vialte lakah a tam cem a si. An thangchiatnak hi pakhat hnu pakhat in tial ahcun phurh cawk lo ding tiang in tam men lai. An vanchiat maw a si, zeitin dek an si hnga! Ref: Radar.