Sweden khua pakhat Hisingden ah kum 45 minung pakhat cu theih lomi nih namte in a sawh i Swedish police nih an kawl cuahmah lio a si. Har tong pa cu a dirhmun a chia ngai tiah police nih an chim. A hmutu pakhat nih a chimmi cu namte in a sawh cangka in sizung ah police nih an tlik pi colh a ti.
Namte sawhnak a um hlanah meithal kahnak a chuak cang. Tuan deuh zong ah bom fak taktak in a puak than cang. Police lei upa pakhat chief Ulf Johansson nih a chimmi cu 'nai hrawnghrang cun sualnak le meithal kahnak a chuah pitu an tam chin lengmang cang' a ti.
'A hlanah cun Stockholm ah lainawn hi a um lo. Asinain atu cun a tam chin lengmang cang. A luan cia ni tlawmpal hmanh ah lainawnnak voinga kan tong cang. A kan lauter i kan zualhma ngai ko cang' tiah a chim.
President Trump nih tuan deuh ah refugee le mipem nih zeitluk in dah Europe ram an buai cang timi a rak chim i, Sweden hi tahchunnak a rak lak, asinain Sweden leiin politician nih an vun phomh thluahmah ve. Asinain Trump nih a chimmi a hmaan. Atu cun Sweden an him ti lo. Ni fatin in harnat an tong cang.
Sweden buainak a chuah pitu hi refugee le mipem an si. Riantuan awk ngei lo an tam i nun a har tuk tikah buainak an chuahter ngaingai. Refugee le Mipem tamnak khua hrawng hna ahcun kal lonak ding ('no-go zone') an tinak a um cang. An him ti lo. Naite ah Iraq ah media rian a tuanmi nu nih cun Sweden naak in Iraq a him deuh cang a ti. Ref: The Express.