Stephanie Davis 23 cu fa ngei ding in aa timh cuahmah lio a si. Nau ka ngeih lioah film kaa zeihter hna lai i, umhar caan zoh ding ah kaa chiah lai. A ka zeihtu ding cu ka nu a si lai tiah OK Magazine ah a chim.
Ka duh caan paoh ah zoh than kho ding in ka nau ngeihnak film kaa lak lai. A tha ngai lai. Film lak ding in ka nu zong aa ngeih ngai lai tiah ka zumh tiah a chim chih.
A ngeih dingmi fapa te zong a cawlcangh a tha ngai cang. Kaa hngilh cuahmah lio zongah aa ka thangh lengmang. January thla chung kaa zoh i, tuan deuh zongah ka ngei men te lai. Tuan deuh ah ka ngei te lai tiah ka zumh a ti.
Ahodah a pa a si timi hi a fiang tuk lo. Minung pakhat a puh i, amah hi Celebrity Big Brother an tuah lioah a tonmi Jeremy McConnell a si. Asinain Jeremy nih cun 'ka si pak lai lo' a ti. A chim thanmi cu 'a pa ka si tak le si tak lo chek hmasa a hau lai' tiah Mirror Celeb ah a chim.
Stephanie nih a chim vemi cu 'a nu a siah a fa a siah zei bantuk pehtlaihnak kan ngeih hmanh ah pa tha taktak nih cun an fale tuanvo an lak ngam hna' a ti. Tu kum January ah khan an rak i tong i, May thla ah khan an i phiat than.
Irsih model Jeremy nih Stephania naupawi thawng a rak theih lioah a chimmi cu keimah ka si lo a ti. Asinain ka fa a si lai lo a ti ko nain a chimmi cu 'an chimmi hi a hmaan ko ahcun ka tuah man cu tuanvo ka lak ko lai' tiah Jeremy nih a chim. Ref: The Sun.