Christmas ni tal ahcun hmuh ka duh tuk hringhran, asinain thonginn an khar i, ka lut kho lo. Ka ngaihchia tuk tiah muidawh nu TOWIE star Lauren Goodger nih a darling zunngaihnak a phuan. A sin um pi can ah tiah kedan tha taktakmi £500 man a cawkpiak.
Drug a tawngmi, meithal a ngeimi, minung fir a hmangmi, misual, ningcang loin mi inn chung luh a hmangmi a darling pa Joey cu kum hleiriat chung thonginn ah a um ding a si. A darling pa sualnak kong chim ah hin a dong lai lo hlah maw ti tluk in a sual vemi a si.
Lauren Goodger nih a chim thanmi cu 'Christmas rawl tal put in kan ei ti lai ka ti zong ah thonginn chung luh an ka sianh lo. Kedan ka cawkpiakmi cu ka kuat cang. Cu lawng cu ka tuahpiak khawhmi a si tiah zunngaih ngai in a chim. An i theihnak hi kum 9 chung a si.
Closer Magazine ah a chimmi cu 'misual tiah an hmuhmi cu an ruahnak a bit tuk bia a si' a ti. 'Asinain vancung mi bantuk cun a si lai lo, asinain voikhat tel cu caan tha an pek ve ding a si. Mi tha a nursuanmi zong an um lo. Thonginn in an chuah diam cang awk a si. Ka hngak kho ti lo a ti.
A caah party ka serpiak cang lai. Hmai kum cun fa ka ngei cang lai. Fa ngeih lai cu kaa ngaih tuk tiah an fa te hmuh lai cu aa ngaihnak kong zong a chim. September thla ah khan cun a darling pa he tonnak caan an pek pah lengmang. A hmutu nih cun neihniam taktak in an um an ti. An um ti caan paoh ahcun nuva bantukin an um i, thongtla kip nih nuva ah an ruah dih hna tiah a chunglei kong theih nih a chim. Ref: the sun.