Nikhatni ah New York Times ah fiang ko in President thimmi Donald Trump vote ka pe lai lo tiah electoral collge vote petu ding Christopher Suprun nih a chim. December 19 ah hin Electoral College cu vote an thla cang lai.
A chimmi cu 'ka ruah lengmang tikah midang thlak ding in biachahnak ka ngei cang' a ti. Kan hnu thla ah khan cun Republican party thimmi vote pek ding in kaa tim ko a rak ti. Asinain atu cun a lung aa thleng than cang.
Elector pawl nih Trump hi an vote duh lo ahcun Inn Raang pi ah phan kho loin an tuah khawh. Suprun nih a chim thanmi cu 'Trump tuah sernak zoh tikah Inn Raang thu ding in aa tlak lo chin lengmang. Ni fatin in a tuahmi nih a langhter a ti.
A chim thanmi cu Saturday Night Live i capo an seihnak zong a doh hna. Zan he chun he tweet catial lawng a rian. Ohio State har tong hna zong ni hnih hnu tiang a hngah hna' Tihnak le thinhunnak lawng te a ser lengmang' tiah a chim chih.
'Trump tuahsernak hi cohlan khawh a si lo. Ka caah cun America cu Ronald Reagan chunmang manhmi tlangbo i a ceumi khua a si. Harnak le buainak a tong ko. A liang cungah tuanvo nganpi a ngei ko, asinain Sep. 11 kan rak tei bantukin hi vialte zong kan tei ko lai'a ti.
'Electoral College nih hin president kan thimmi hi president tuan ding in aa tlak le tlak lo a zoh a hau. Mr. Trump hi zoh tikah atu le atu ti awk in President tuan ding in aa tlaknak aa langhter lengmang' tiah a chim chih. Ref: NYP.