Keimah vote awk ah biatak tein Khrihfami hna lengah a chuahter hna i, keimah vote a ka pektertu cu Evangelist Franklin Graham hi a si. President ka tlinnak ruang pakhat aa telmi cu Graham nih Khrihfami hna vote thlak a fial hna caah ka tlinmi a si. Ka teinak ah hriamnam tha taktak a si tiah a thangthat.
Alabama ah Trump nih bia a chim lioah 'hi hmun naak in kaa dang ah a tha deuhmi lunglawmh biachimnak hmun a um lo. Mipi nan cungah kaa lawm tuk. Ka teinak ah hriamnam bantuk a simi Franklin Graham ruangah teinak nganpi kan hmu. Khrihfami he teinak nganpi kan hmuh tiah Graham a thangthat.
Evangelical Khrihfami, a hleiin vunrang Khrihfami 81% nih Trump an vote. Mipi hmai i bia a chim lai ah Graham nih Trump cu mipi hmai biachim ding in a sawm. Trump nih 'zoh tuah u, a rethei taktakmi a si. Khuaruahhar Billy Graham fapa a si. Billy Graham fapa hi a lianngan bakmi a si' tiah mipi hmaiah a thangthat.
Cu hnuah Graham nih Trump teinak cungah Pathian sinah lunglawmhnak a chimpiak. Mipi 20,000 hmaiah Graham nih a chimmi cu 'thimnak a dih kaa in Trump nih zeitin dah a tei ning a si tiah atu tiang mipi nih an i ceih lengmang. Trump nih a teinak hi science lei fimnak in ka tuak thiam lo. Zeiruang ah dah a tei ning a si timi ruahnak dangdang ka ngei lo.
Asinain thil pakhat ka theihmi a um. Pathian nih teinak a pekmi a si tiah ka zumh. A thongthong in thla kan cam i Pathian aa phuang. Hi ram mipi hna thlacamnak thawng in Trump nih a tei tiah a chim. Thimnak ni le caan tiang kha US states kip ah Graham cu thlacamnak khual a tlawng.
Khrihfami hna cu lengah chuak u law vote thla u tiah thazaang a pek hna. Trump a dirkamh lo nain Republican phunglam le kal pimi policy hi Bible lam a si. Supreme Court kongah conservative mit a ngeihmi vote ding zong in a forh hna. Graham nih a tweetmi cu 'Russia hi US thimnak ah aa thlak ahcun a phichuak cu Pathian riantuannak a si lai' a ti. Ref: Christianity Today.