Minthang (Celebrity) Thihnak Kongah Graham Nih Zeitin Dah A Chim?

Kum 2016 chungah hlasak thiam le Actor minthang a thimi a tam ngai.
 
Naite zong ah hlasak thiam George Micheal a thi i, tuan deuh ah khan mintami Carrie Fisher a thi. Hi bantukin minung an thih tikah media kip ah rel cawk loin an lang lengmang. Evangelist Graham nih zeitin dah a chim ve? 

Franklin Graham nih minthang hna thihnak kong caan tha lak in thihnak le zungzal nunnak kong a tial. "Tu zarh ah minthang George Micheal cu kum 53 in a thi. Minthang ngai a simi Carrie Fisher zong kum 60 in a thi i, catial thiam zong a si i, laksawng zong a dongmi Richard Adams cu kum 96 in a thih' tiah a tial. 'Kan theih lomi in kan theih bikmi tiang ah kan i lawh dihnak cu - "thihnak" hi a si' a ti. 

'Vawleicung kan nun caan hi a tawi tuk - Bible nih cun 'meikhu menmen bantuk nan si a kan ti' tiah a chim chih. 'Aho poah kan siah Cungnung Bik Pathian hmaiah kan dir cio caan a phan te lai i, kan tuanvo le konglam chim cio caan a phan te lai. Pathian hmaiah ahohmanh kan i dang ti hna lai lo' tiah vawleicung minthang Evangelist Graham nih a chim. 

'Zungzal nunnak kan ngeih le ngeih lo cu A Fapa Jesuh Khrih kan zumh le zumh lo cungah aa hngat te lai. Kan khamhtu le kan Bawi a si tiah kan cohlan le cohlan lo cungah zungzal kan nunnak aa hngat te lai. Micheal a siah Fisher a siah Debbie Reynolds an siah minthang tuk an si. Naite ah an thi hna. Pathian hmaiah cun thleidannak a um ti lai lo a ti. 

A peh thanmi cu 'A Fap Jesuh Khrih an zum maw zum lo; an khamtu le an Bawi ah an cohlan le cohlan lo cungah an zungzal nunnak aa hngat lai' a ti. Graham nih caan tha lak in Pathian hmaiah minung kan thleidan lonak a chimmi hi ruah phu taktak a si. Minthang zong Jesuh Khrih an zumh lo ahcun meikhu menmen an si lai i, minthang lo zong Jesuh Khrih an zumh ahcun zungzal nunnak a co lai. Jesuh Khrih hi kan biaceihtu le kan nunnak taktak cu a si. Ref: Christianity Today. 

Mifim Bia Tawi: Nunnak Fimchimtu Rawl