ISIS ngaknu pakhat nih a tlangvapal pa cu a kha hmul in a tlaih i, a hnamh chih lioah selfi in a thlak. Cu lawng hmanh si loin a thiltuam hruk ning nih Islamic phung tampi a buar chih. Islamic phung tangah nu pawl hi zalonnak an ngei lo tuk. Fung in fak piin tuk an si.
Aa duhmi ngaknu le tlangval nih an i kuh lio tbk, an i hnamh lio tbk an tuah lio tbk le taklawng in an um lio tbk hmanthlak le video lengah an chuahter ahcun fak piin dantatnak an si. A piakaa hi an phung nih a ongh lo i, minung pakhat nih a film in maw, a hmanthlak tbk in a ngeih ahcun zapi lam ah fungtuk an si.
Asinain an phung cu a sang i a tihnung ngai ko nain ISIS pumpak nunnak le sining zoh tikah an phung he a lettiling in an i kalh. US sungthoh hruaitu thing a simi nih a chimmi cu ISIS laptop kan tlaihmi hna kan chekpiak hna tikah a chungah an chiahmi 80% cu a piakaa film lawng te a si a ti.
Lieutenant General Michael Flynn nih a chim vemi cu 'an laptop chungah hin nu, hngakchia, pa, thlaihhremnak, lutannak tbk an chiah, a changtu ahcun a piakaa film a si. 80% tluk a tam a ti. Ni kum ah khan Foreign Secretary Boris Johnson nih a chimmi cu UK in ISIS ah a kalmi pawl hi nu aa hmuh lo i, a piakaa film zoh hmang pawl an si a ti.
Atu cu ISIS cu an sung chin lengmang cang i, an nupi le an fale runvennak caah zeitin dah kan tuah lai timi an ruat ngai. Kan nupi le kan fale hi hmailei ruahchannak an si an ti i, an phone tbk ah an hmanthlak chiahter an duh ti hna lo. Kan nupi le kan fale an tlaih hna i thongtlak ding cu a si kho lo an ti. Cucaah mipi nih kan nupi le kan fale theihter lo hi hmailei caah a tha an ti. Ref: The Sun.