March thla ah khan AIPAC ah Israel le America hmailei pehtlaihnak kong cu President thimmi Donald Trump nih a chim.
A chimmi ah ka uar tukmi zong a si i, a tuah taktak te hnga maw tiah ka ruahmi cu 'Jewish miphun zungzal khualipi Jerusalem ah American emabssy kan thial lai' a ti. Bia ngaitu mipi hrimhrim zong an lungtling tuk i, an au thatning le an kutbengh thatning kha a ropui kho tuk. Israel le America hmailei pehtlaihnak a chimmi ahcun Palestine cu ek bantuk ah a chiah hna i, Jews miphun cu mi tha taktak ah a chiah hna.
Tahchunnak ah a chimmi cu 'tapung kha an model ah an ser hna caah an caah daihnak a um kho lai lo' a ti. Lainawng le misual mi hna kha Palestinian minung nih cun an zohchunmi ah an hman hna lioah Israel nih cun Palestinian minung thahnak le huatnak an ser lo tiah fiang ko in a chim. A biachim a pinh ning cu an chungnel tiang in a khenh dih hna. A hmai thla ah bia an hal than i, a lehmi hna cu 'American emabssy cu a rannak in kan thial hrimhrim lai' tiah a chimh than hna.
A chimmi ah ka uar tukmi zong a si i, a tuah taktak te hnga maw tiah ka ruahmi cu 'Jewish miphun zungzal khualipi Jerusalem ah American emabssy kan thial lai' a ti. Bia ngaitu mipi hrimhrim zong an lungtling tuk i, an au thatning le an kutbengh thatning kha a ropui kho tuk. Israel le America hmailei pehtlaihnak a chimmi ahcun Palestine cu ek bantuk ah a chiah hna i, Jews miphun cu mi tha taktak ah a chiah hna.
Tahchunnak ah a chimmi cu 'tapung kha an model ah an ser hna caah an caah daihnak a um kho lai lo' a ti. Lainawng le misual mi hna kha Palestinian minung nih cun an zohchunmi ah an hman hna lioah Israel nih cun Palestinian minung thahnak le huatnak an ser lo tiah fiang ko in a chim. A biachim a pinh ning cu an chungnel tiang in a khenh dih hna. A hmai thla ah bia an hal than i, a lehmi hna cu 'American emabssy cu a rannak in kan thial hrimhrim lai' tiah a chimh than hna.
Jerusalem hi Muslim le Jewish miphun karlak ah tuanbia a um. 1950 ah khan Israel nih Jerusalem cu kan khualipi (Capital) a si cang tiah an thanh. Asinain International Community nih an cohlaang lo. US pi zong nih official taktak cun a cohlan pi hna lo. Atu tiang zong atu i an khualipi a simi Tel Aviv ah an embassy cu an chiah peng ko.
Cuticun an pu Siangpahrang David khualipi a rak si i, kan Bawipa Jesuh Khrih nih a kan uknak ding Jerusalem khualipi cu Muslim zong nih hum khawh lo, Jewish miphun zong nih hum khawh loin a um peng.
US nih an ngamh tuk lem lomi cu Jerusalem hi Jewish khualipi ah kan cohlanpiak hna i, kan embassy kan thial ahcun Muslim an buai tuk lai i, Israel le pawngkam ram karlak ah buainak a chuak tuk lai ti an phang. Cucaah a biapi tuk ah an ruah pengmi cu Israel le Palestine hi daihnak ser kho hna seh law Israel nih an khualipi Jerusalem ah an thial zong ah a tluang kho lai ti hi a si.
US President tuanmi kip nih an rak chimmi cu President ka si ahcun Israel khualipi hi Jerusalem ah kan tial lai i, American Embassy zong Jerusalem ah kan thial lai an ti. Congress nih 1995 ah cohlan ding in biachahnak an rak ngei i kan embassy zong kan thial lai an rak ti cang. Asinain ramchung security a him sual lai lo tiah atu tiang President tuanmi kip nih an tlinter kho bal lo.
Nilini ah President Obama zong nih thial ding in timhnak an ngeihmi cu thla ruk chung a thawn than. President Clinton a tuan lio zongah a rak thawn than. Nihin tiang an tlamtling kho rih lo. Asinain President thimmi Donald Trump nih a tlinter te lai maw timi hi kan zoh ciomi a si. A tangah a biachim le Lai ca tein kan lehmi link zoh than cio u law zeitluk in dah na hei zumh ve lai?
Trump Foreign Policy kongah ruahnak petu Walid Phares nih cun ruahchannak um loin a chim. 1995 Embassy Act timi phung an rak sermi ah hin Congress nih cun a hnatlak pi cang i, May 31, 1999 hlan hrimhrim ah thok ding ti a rak si. Asinain President nawlngeihnak phung a um vemi cu President nih a hnatlak lo cun thla ruk chung a thawn than khawh ti a si.
Cuticun ramchung ah security buainak le Muslim hnahnawhnak a tam tuk lai tiah President Clinton in Bush in Obama tiang an thawn lengmang. Israel-Palestine daihnak ser an hngak i, zei tiang dah a rauh lai timi theih a si lo, asinain President Trump nih zeitluk tiang dah a biakam a tem te lai timi nih lai a rel te lai. Ref: TOI.