Kan Khrihfa hawi a simi Nigeria i Uyo i Khrihfabu pakhat cu nirukni i pastor upatnak an tuahnak ah an inn nih an cimh pi hna caah 50 tluk hrawng an thi tiah official nih an chim.
Akwa Governor Udom Emmanuel zong Reigners Bible Church ah aa pum ve i, inn a cimh ahcun a luat fangfang a si. A thimi hna upat peknak le ngaihchiat pi langhternak caah nikhatni le nihnihni cu tuar pinak ni ah kan hman hna lai tiah a thanh.
A chimmi cu 'inn a cimh lio hi Khrifabu ah ka um lio a si ve. A tuarmi chungkhar kan um pi hna' tiah a tweet. Zeiruangah dah a cimh ning a si timi an thei rih lo. Asinain inn cimh nih a hrenmi hna an khamh cuahmah lio hna a si. Minung a thimi zong an tam deu kho rihmi a si.
Inn a cimh ah bawmh ah a kalmi Inameti Effiong nih a chimmi cu 'tihnung a si ko, zoh ngam hmanh a si lo' tiah a chim. A inn ning pi in a cimh i minung tam tuk an thi tiah a chim chih.
Inn a cimh lio hi Khrifabu ah Church Pastor kha Bishop ah ordain an pek lio a si tiah minung pakhat nih a chim. Cozah nih zeiruangah dah a cimh timi an hlat cuahmah lio a si. Aa hliammi poah a herh ning kan bawmh hna lai tiah cozah nih an thanh.
Nigerian President Muhammadu Buhari 'Nigeria ram ah harnak a tongmi paoh cu kanmah kan ton cio bantuk a si tiah a hnemh hna. Akwa Ibom khuami nan tuarnak ah kan in tuar pi ve ko hna tiah Governor Udom hmang in Nigerian president Buhari nih a chim. Ref: CNN.