Turkey khuapi Istanbu i Besiktas football stadium ah bom an puah i, minung 29 an thi i 166 an i hliam tiah report nih a chim. Ralkap nih lam le chuah-luhnak vialte an kham dih cang. Bawlung a chuihmi hna hi Turkey bawlung chuh thiam an si.
Bompuah ning nih a langhtermi cu local police zong fak piin ral hna seh law a dawh. Bom a vun puah ahcun mi thi ruak cu hmun kip ah an i then thek dih tiah a hmutu nih an chim. Bom a puahnak pakhat cu stadium ah a si i, pakhat cu Macka Park ah a si.
Park ah an puahmi hi pumpek in a puahmi a si tiah an zumh. Stadium ah cun meithal puah thawng zong an theih. An puahnak hi meng khat hrawng aa hlatnak veve in an puak. Bom terhmi a si ko tiah an ruahmi bag zong security nih an hmuh.
Turkey President Tayyip Erdogan nih 'kan mipi le kan ralkap lak ah tapung nih a kan doh. Stadium ah bom an puahmi hi cu mipi harsatnak pek duh ah a si. Pathian nih a kan bawmh lai; tapung riantuannak tha lo vialte kan tei dih hrimhrim lai' tiah a chim.
Ahodah bompuahtu a si an thei rih hna lo. ISIS le Kurdist raltho an zumh pah hna. Ref: The Sun.