Manny Pacquiao Hi Uar A Um Kho Tuk (Rel Ve Hrimhrim)

Khrihfa, boxing thongh thiam, cun Philippine ah Senator zong a simi Manny Pacquiao Philippine ah 'National Bible Day' Holiday hman ding in senate ah ceih ding in a chuah pi.
 

Ram thawng sernak ding ah Bible hi kan hram ah kan chiah a hau a ti. Khrihfami kan zumhnak nih hram a thlaknak cu kan Bible Ca Thiang ah a si. Khrihfabu ah Bible sermon le fianternak  hna i an hram cu Bible cawnpiaknak ah a si. Bible hi kan thlarau rawl a si. Chan khat hnu chan in minung nunnak a kan thleng i, a kan sertu zong a si' tiah Pacquiao nih a chim. 

A chim thanmi cu 'Bible hi kan nuncan ziaza, thlarau, social pehtlaihnak hna hram taktak a si. Bible hi ramchung bochan tha kan sinak ding ah a kan sersiamtu le a thawngmi ram a kan sertu a si' tiah a ti. 

Phillippine hi Asia ram ah Khrifa ram nganbik le a thawngbik an si i, Bible hi an zumhnak hram pi a sermi ram an si. Report nih a chim ning ah cun Senate Bill No. 1270 (Pacquiao) nih aa tinhmi cu kum tin January a donghnak zarh nikhatni poah khi 'National Bible Day' Holiday ah kan hman lai a ti. 

Manny Pacquiao nih a chimmi cu kan ram president thing hna Ferdinand Marcos, Corazon Aquino le Fidel Ramos nih cun Bible a biapitnak kha fiang tuk in an rak theih a ti. Senate nih an cohlan i an lanhter khawh ahcun January a donghnak zarh i nikhatni paoh khi National Bible Day ah an hman ding a si. 

Pacquiao hi Bible a zummi a si tikah cozah nih minung pakhat thihdan pek zong hi a hmaanmi a si ko a ti. Kan Pathian cu dawtnak a ngeimi zong a si i, dinnak a tanhmi zong a si a ti. Dinnnak a tanhmi Pathian a si caah misual cu an sual ning in thihdan pek hi a phung a si ko a titu a si. A hlawhtlin ahcun aa dawh tukmi thil lian taktak a tuah ti nak a si lai. Ref: TCP.