Soviet Union chan in Russia hi kan ram thimnak cungah rian a tuan lengmang cangmi an si. Thimnak phichuak thlen aa zuam lengmangmi an si. E-mail hack i lengah chuahter tbk a hmangmi an si tiah nikhatni ah Obama nih a chim.
President thimmi Donald Trump zong hi a vun phomh chih. Sungthoh bu nih biaruah an duh tikah biapi ah a chiahpiak bal hna lo; zeirel loin a um hna tiah a ti. Media zong a vun phomh thanmi hna cu Russia nih kan e-mail an hack i an chuahtermi lawng te zong loin kan media kip ah an khat a ti.
President thimmi Donald Trump nih 'Russia lawng te kan puhmi hna hi thimnak phichuak kan cohlan duh lo bia le khua thalo khaan kan i timh bia a si' a ti ve. 'Kan e-mail a hack tu kan tlaih khawh tung hna lo ahcun ahodah an si timi kan thei kho lai lo. Thimnak kan tuah hlanah kan ton balmi a si tung lo' tiah Trump a vun phomh ve hna.
President Obama nih Trump a mawhchiat thanmi cu 'zarh khat ah voikhat lawng sungthoh bu he tonnak a ngei' a ti. Asinain Trump nih fox news ah a chimmi cu 'ka herh tikah ka tuah te lai; a smart tukmi pa ka si. A ra leimi kum riat chung chimh bon lengmang chimh lengmang ka hau lo' a ti.
Asinain Obama nih 'zeitluk hmanh in fim law vawleicung hi theih a har tuk cang. Biachahnak hmaan na tuah khawhnak ding ahcun a tha bikmi information na ngeih a herh. Sungthoh bu sin in hmuh ning le theihhngalhnak na lak lo ahcun mitcawt buin a zuangmi na si lai' a ti. Ref: NYP.