President Obama hi pafim bak a si. A cawnnak zong a sang i, a ruahnak zong a kau
i, a lung zong a sau i, kau piin khua zong a tuak kho i, a ruahmi hi zapi nih phanh lomi a si. Vawleicung hruaitu kip le riantuantu kip he harnak ngei loin aa kawp khomi pa a si.
i, a lung zong a sau i, kau piin khua zong a tuak kho i, a ruahmi hi zapi nih phanh lomi a si. Vawleicung hruaitu kip le riantuantu kip he harnak ngei loin aa kawp khomi pa a si.
Amahbel cu a lungthin le a ruahnak a kauh tukmi nih hin mipi nih caan tha lak in sualnak le that lonak zalonnak tu ah an hman. That tuk le ruahnak kauh tuk zong hi a rak that lonak a um tawn. President Obama riantuannak le hruainak nih a langhter. Tutan President Obama thil tuahmi zoh tikah a fim bak ti khawh a si. Trump le Putin rawl a terhmi hna hi an ei thiam lo ahcun aa su te ding an si.
Asi lo ah, Putin hi khuaruat kho ngai le pafim ngai a si ve caah Trump hi amah le amah hna knockout in aa tuah sual te hnga maw ti ruah awk a um ngai. President Obama nih a rian a dih lai i, Russian diplomat a thawlmi hna hi pumpak thinhun sawhsawh in a tuahmi a si lai lo. Tuan tein thimnak ah Russia an i tel ti cu an chim lengmang cangmi a si. A hnu pi ah a thawlmi hna hi sullam a um.
Obama zong nih Putin sinah ralrinnak tuan tuk in Taluk ah khan a rak chim cang. Asinain a tlai hnu pi ah President Obama nih fak tuk in ACTION a vun lakmi cu ruah phu ngai a si. Hi bantukin fak tuk in Russia ralchanh in ACTION a lak tikah Putin hi lungtawi le khauruat kho lo si seh law Trump le Putin aa su ding bak te an si. Asinain Russia President Putin a fim tuk ve i, a phet tak ziar.
US nih Russian diplomate 35 an thawl bantukin Russia nih rak thawl ve hna seh law harnak a tong ding cu Obama si ti loin Trump a si lai. President Obama nih a hneksak hrimhrimmi hna a si. Obama nih US ram a dawt lo ruangah si loin Trump aa zumh tuk caah a si. Putin hi Trump nih a zumh tuk i, a chiatnak a chim duh lo. American sungthoh bu thlak riangmang in Russia tu a cawisangmi Trump a si.
President Obama nih a uar lo tuk. Sungthoh bu nih Trump ton i, biaruah peng an duhmi zong Trump nih caan a pe duh hna lo. Russian nih US thimnak an tuaitam i, US democracy an hnursuan lioah American sungthoh bu nih Russian an si ko tiah an chim lioah Trump nih a ramchung sungthoh kaa tu a phih hna i, a hrial hna.
Cu tikah President Obama nih a dih lai ni 20 hrawnghrang te lawng aa duhmi caan ah fak taktak in Russian ralchanh in ACTION a vun lak. A sullam cu Trump hmaika bak ah rep a chiah. Obama nih a tuah hnawhchanmi hi 'na ram maw na runven lai; mi ramdang dah na runven lai' tbk khi a si. Putin nih Obama tuahsernak bantukin vun lehrul seh law Trump nih zeidah kaa thim lai timi aa fiang colh ding a si. Putin maw ka thangthat peng ko lai or ka ram le mipi zawn dah ka ruah deuh lai timi a fiang colh ding a si.
Asinain Russian President Putin cu pafim bak a si ve caah Obama rep chiahmi a hrial colh i, Trump he Russia-US pehtlaihnak kan sersiam lai i, Trump police hrambunh in rian kan tuan ti lai tiah Putin nih phundang taktak in lehrul tha a vun chuah pi. American diplomat zong kan thawl hna lai lo a ti ziar. Russia ah a ummi American diplomat chungkhar le fale vialte tiang in Christmas Tree Tamhnak ah tel cion ding a sawm hna. Kum thar zong nuam tein hmang hna seh a ti hna.
President Obama hi pafim bak a si i, Putin zong pafim a si. Trump nih zeitin dah a dawi khawh te hna lai.
Note: Catialtu ruahnak le hmuh ning sawhsawh a si.