New York an umnak ah media pakhat nih President thing Bill Clinton cu biahalnak an tuah. President Trump nih theihmi tampi a ngei lo. Asinain a theihmi pakhat cu thinhun le ka caah vunraang pawl nih ka vote hna seh' timi lawng hi a si a ti.
Electoral College nih nizan ah vote an thlak cang. Zumh tlak tein 307 nih Trump an vote i, 227 nih Clinton an vote; zumh tlak lo 7 nih midang an vote hna. Trump cu official tein USA President a si cang. January 20 ah biakamnak a ngei lai.
Weekly Bedford ah a nupi Hillary Clinton sunghnak kong an hal than i, fak ngaiin Bill nih a chim than. FBI director James Comey ruangah ka nupi a sung a ti. 'James Comey ruangah Clinton a sung' a ti. A chim thanmi cu vote thlak lai suimilam 11 aa duh ah Clinton e-mail an zoh thanmi nih thil a sualter dih cang a ti.
Clinton nih point 7 hrawng cun a tel lengmang cangmi a si. Asinain Clinton -email thar kan hmuh tiah an vun thar chuah than tikah mipi ruahnak an vaivuanh dih cang tiah a chim. Hillary Clinton zong nih a chimmi cu thimnak aa naih tuk cang hnuah a biapi tukmi kong an chuah pimi nih fak tuk in kan campaign a hrawh a ti ve.
A donghnakk a chimmi cu 'Hillary hi kum hnih chung ka zoh ko i, a hmaika ah a chuakmi vialte a tei dih hna. Asinain a donghnak ah Russia le FBI nih a hmaika ah an rak chuah hnawh tikah cun a tei kho ti hna lo. A dang ko ahcun a tei dih i, vote zong 2.8 million a hmuh' tiah Bill nih lungfak ngaiin a chim. Ref: CNN.