Chiltern Firehouse Hotel ah minthang 'The Kingdom of Heaven" actor Orlando Bloom cu ni nga riak ding in a rak leng. Hlasak thiam Katy Perry he an i thennak in thla khat - hnih hrawng a si cang. Hotel a umnak ah Hotel riantuantu ngaknu dawh ngai nih a a zu palang a va bunghpiak lengmang.
Bloom le Viviana Ross, 21 cu an hei i zoh lengmang i an mit ah an tang veve. Bia an i ruah lengmang hnuah Bloom nih ka inn khaan ah rak ka leng law kan ding lai tiah a sawm. Viviana nih congor lo tein 'yes' a ti colh. Ross a riantuannak hotel hi David Beckham, Kate Moss le David Cameron, Simon Cowell tbk mi lian hna caan hmannak hmun a si.
Bloom khaan chung cu an phan i bia an i ruah i an ding ti. An i ngamh chin lengmang cang. Ross nih a chimmi cu 'amah nih a thok hmasa i, kan i hnam' tiah a chim. A chim thanmi cu 'kan karlak ah mei hlahh maw a kaang ti awktlak in kan linsa veve. A nuam bik a si' tiah an tuahnak vialte a phuan dih.
Zan khat cu diriam tein an lim. Asinain zingka tein Bloom cu a tho i biahalnak (Interview) ngeih ding in lengah a chuak. Ross tu cu taklawng in ihkhun cungah a rak it ko rih. Hotel manager pa nih zeidah a tuah hnga tiah a va zoh cu taklawng in a rak ih ko cu a hmuh.
'Kahin riantuanmi na si maw?' tiah a hal. Ross nih 'a si ko zeiruangah?' tiah a hal ve. Manager pa cu a chuak colh. Message a rak kuat i 'na rianphuah na si cang' a ti. 'Hotel he pehtlaihnak na ngei ti lo' a rak ti. A riantuan hawi nih cun 'a pumpak caan chung a si. A palhnak a um lo' an ti.
Ross nih cun a poi lo. Bloom he kan caan hmanmi kaa lunghmuih ko a ti. Romania in a rak rami a si i, UK a umnak thla hnih lawng a si rih. Film zeih ding in timhnak a ngeimi a si. 'One Shot Left' film zong aa zeih cang. Ref: The sun.