Ningani ah President Trump cu The Brody File nih biahalnak an tuah. United States of America President ka si hnu cun 'nunnak le thihnak' cungah tuanvo ka ngei cang timi kaa theih tikah Pathian ka herh chin lengmang cang tiah a chimh hna.
'Thlacam hi ka lungthin chungah a chuak lengmang. Ka office hi a ngan tuk cang i Pathian ka herh chin lengmang cang, zeicatiah biachahnak ka tuahmi hi nunnak le thihnak a si cang. New York ah inn kan sa cang lai tiah President Trump nih a chim. A chim duhmi cu New York in US caah rian kan tuan cang lai a ti.
Pathian um pi le bawmhnak ka herh chin lengmang cang. Mipi ngandamnak kongah fak piin rian kan tuan i kan i zuam. Kan nunnak le kan thihnak a si. Mipi cheukhat nun a tha deuh zeicatiah ngandamnak insurance man niam tein an i cawk khawh. Hihi atu kan tuah cuahmahmi a si. Hi biachahnak ka tuahmi hi a biapi tuk tiah President Trump nih a chim.
Tu thla chungah First Baptist Church i Rev. Robert Jeffress nih a chimmi cu 'President Trump zumhnak hi a biapi tuk; cun pumpak hrimhrim in Khrihfami zumhnak aa tlaihmi a si' tiah a chim. Pastor Paula White nih a chim vemi cu 'Trump he rel cawk loin biaruhnak kan ngei cang. Bible kong zong kan i ruah.
Khrihfami TV zong a zoh lengmang i, Khrihfami sermon zong a ngai lengmangmi a si tiah a chim. Ka sermon zong TV in a rak ngaih lengmang. Ruah lo piin Trump nih phone a rak ka chawnh i, ka sermon kong le a pumpak zumhnak zong tampi a ka ruah tiah Pastor Paula nih a chim. Bible a zumhnak le a theihhngalhnak zong a thangchin lengmang' tiah a chim chih. Ref: TCP.
Israel Prime Minister Netanyahu Nih Embassy Tialnak Kong A Chim Cang
-----------------------