Cheukhat nih cun Israel Prime Minister Netanyahu palh a si an ti i, amah lawng te an mawhchiat. Asinain President Trump hmaan a thlak pitu minister Oren Hazan zong a palhmi ah ruah khawh a si. Israel an phan i an vanlawng Air Force One in an tum in mipi hmaiah donnak an ngei.
Israeli upa pawl nih President Trump le First Lady Melenia Trump kuttlaihnak an tuah hna. Prime Minister Netanyahu nih a hruai hna. Mah lioah Miniter Oren nih a phone aa chuah duak i Trump cu selfie a thlak pi. Mr. Oren cu Mr. Netanyahu nih a kut a nampiak.
Hmanthlak pi hlah ti theo a si lai. Oren bantukin hmaan an thlak pi cio ahcun a rau ding a si. Don lioah dir pi riangmang i selfie thlak pi cu aa dawhcah lo tiah a nampiak maw a si hnga thei hlah. First Lady Mrs. Netanyahu zong a siarem lo ngai. A kut a vun samh i a tong. 'I sum ti theo a si lai.'
Asinain mipi nih cun 'kan ram thang na chiat' tiah Prime Minister Netanyahu tu an mawhchiat.
Jerusalem Post nih a tial i mi kip nih soiselnak le hmuh ning dong loin an rak langhter cang. 'Kan ram mualphoh a si' a timi zong an um. President Trump selfie a thlak pitu Minister Oren Hazan nih cun a hmaanthlak cu a facebook ah a tar i, 'Mr. President, kaa lawm tuk' tiah a tial. Ref: TOI.