US Texas sianginn pakhat ah Kelsey Leigh Gutierrez cu 2014 ah sianginn sayamah riantuan ding in a lut. Asinain sayamah a tuan chung ah a sianghngakchia pahnih he kum khat le a cheu chung caan a hmang tiah House TV a report.
Kelsey Leigh Gutierrez sianghngakchia he ningcang loin pehtlaihnak a ngei tiah sual phawt a si. Fiang deuh in biaceihtu nih an chim thanmi cu a sianghngakchia he a tuah pimi hna hi phun thum a si ti a si. November 18 khan a rian in an dinhter cang.
Kelsey Leigh Gutierrez nih kum 18 sianghngak pa a rak hmuh i, November 12 zantim ah ah an motor chungah caan an hmang ti. A mongtu thutnak ah an thu i, a hnulei ah an i thial than, cuticun pumsa pehtlaihnak an tuah tiah Court nih an chim.
Kelsey Leigh Gutierrez zong nih an tuah ning in a phuan dih hna. Court nih 2015 lioah sianghngakchia dang he a tuahmi zong an chim chih. Ni kum May thla ah khan sianghngakchia pakhat a rak komh than i, pehtlaihnak an rak ngei. Voili tiang tonnak le pehtlaihnak an rak ngei tiah Court nih a chim.
A rian in an phuah cang. District Police Department leiin an chimmi cu 'hi bantuk thil hi a hma fak piin kan lak. Sianghngakchia himnak le education hi a pakhatnak usape ah kan chiahmi a si. Upadi lei riantuantu hna he neihniam tein hi bantuk kongah rian kan tuan lai. Dawhcah lo ziaza kan cohlang kho lai lo' an ti. Ref: The Sun.