Donald Trump President tlin cu a chungkhar caah lungrethei ngai a si. Duh ning in a um kho i, chungkhar nuam a si komi hna kha atu cun a si ti lo. Dohdaltu lawng te lakah khua an sa cang.
New York khuasa 78.5 hi Clinton a vote mi an si. Asinain Trump nih Clinton cu a tei tikah liberal new yorker lung a tling ti lo. Trump fale pathum Donald Jr., 38, Ivanka, 35, le Eric, 32 cu atu le atu ti awk in mipi nih a phunphun tuaitam cang.
Zatlang lam ah a siah social media in a siah a phunphun in an chiatnak le an duh lonak lawng te an langhter. November thla chung ah khan Eric Trump le a nupi Lara Yanaska cu mino minung 18 nih thalo tein an tuaitam hna. Naite zong ah Ivanka Trump pasal Jared Kushner inn ah minung 150 hrawng nih an rak buai hnawh hna.
Trump nupi Ivana Trump nih New York Times ah a chimmi cu ka fale (3) caah cun mipi buainak hi a poi tuk lo, asinain Trump nih Melania he an ngeihmi Barron ca tu ah hin ka lungre a thei. Barron hi kum 10 a si i, hi bantuk mipi dohnak an ton tikah a tuar aa harh ngai lai tiah ka zumh a ti.
A chim thanmi cu 'sandahpiahtu cu sandahpiahtu an si ko. A then cangmi ram a si. America nih vote a thlak i, cucu a si ko cang. Cheukhat cu khatlei kam ah an um cang a ti. Ref: TNP.