Minung pakhat nih a rak rat hnawh hna i, a fale fir a timh ruangah an nu Nicola Cross 37 nih a runvennak hna ah amah tu cu namte in a sawh i, a thi. A fale fir a timh lioah a pasal fawn in a chawnh, asinain amah tu cu a pasal a chawnh cuahmah lioah a rat hnawh i, 'zaangfahnak tein ka that sawh hlah' tiah a nawl ko buin a thah.
Phone chung cun a pasal Daniel nih a nupi au thawng cu a rak theih dih. Asinain namte in a sawh i a ai thawng le a ai khawh lo tiang in a rak theih dih. A fale cu an it cang i, a rak luh hnawh hna. Ka fale ka runven hna a tinak ah amah tu cu a thah.Voi 10 a sawhnak hma an hmuh. Police an phak ahcun a ruak in an cawi cang.
Biaceihtu Chris Donnellan nih a chimmi cu lainawng pa 24 hi ruahnak tlamtling lo a si. Lai a nawn lai hrawng hi a vak lengmang. Cross te inn ah a kal i, an kutkhar a kingh i hngakchia an um maw tiah a hal hna a ti. Inn chung a luh hlanah hin 11:00PM ah thlalangawng in a kan bih tiah police sinah Cross nih phone in a rak chimh hna.
Police an rat ah hin amah tein a lawi than. Asinain 11:30 PM ah namte he a rat hnawh than hna. An inn cu a bauh i a lut; an coka ah namte a ngan deuhmi aa lak i a kal hnawh hna Thil sining a pasal Mr Denial nih a chim tikah namte a fami cu aa hlonh i, a ngan deuhmi tu hi lak than dawh a si a ti.
Nicola Cross a thah khawh cun ihnak khan a kal i, a namte cu thisen he ihkhun cungah a chiah. Hngakchia lak a timh, asinain harnak cu a pe hna lo tiah biaceihnak zung nih an chim. Innpa nih an chimmi cu 'ka duh lo, kahin ra hlah' tiah hngakchia pakhat nih a au hnawh thawng kan theih a ti.
A pasal Mr Daniel Cross nih cun 'ka nupi khamh kho ding in a pawngah ka um khawh lomi cu keimah le keimah zei tik hmanh ah kaa ngaithiam kho lai lo' tiah lungfak le ngaihchia tuk in a chim. A chungkhar zong biaceihnak zung i lainawnnak kong an rel lioah fak piin an tap. Nikhatni ah a biachahpiak a si cang lai. Ref: The sun.