Manchester City nih Barcelona cu £100million in Lionel Messi kan i cawk hna lai tiah fiang ko in an chimh cang hna. United nih £89m in Paul Pogba cu Juventus sinin an rak cawk i, a man a sang tuk an rak ti, asinain Messi nih a lonh rih lai. Messi man nih world Record sang bik ah a phanhter than lai.
Manchester City nih Lionel Messi le Pep Guardiola kan fonh than hna lai tiah lungtho ngai le ruahchannak nganpi he timhnak an ngei. Messi thialnak kongah kan hnuthla ah khan kap hnih Club tonnak an ngei cang tiah theih a si. Manchester United nih fiang tein an chimmi cu Paul Pogba naak sang deuh man tiang kan kai lai an ti.
June thla in cun Messi zong kum 30 a tling cang lai. Barca leiin zeihmanh an chim rih lo. A man kong zong an chim lo; an zuar taktak lai maw timi zong an chim rih lo. Asinain City biachimmi cu an ngaihpiak ko hna tiah Sun Sport nih a chim. Naite hrawng cu City Boss Pep Guardiola zong an hlatlai cuahmah lio a si. A cawlcangh a tum chuk tuk an ti.
Premier League Top Four zong ah an i tel kho ti lo. A donghnak an game pathum celhnak zong ah pahnih an sung. Asinain ruahchannak an ngei ko rih. Messi le Guardiola an i ton ahcun an hmailei caah ruahchannak a um ko an ti.
Asinain cheukhat nih cun Messi cawk ding cu a har ko lai an ti. Barca lei zong in a harnak a um lai a timi zong an um i, United lei zong in budget kongah kan i rengh deuh a hau a timi zong an um. Sun Sport nih an chimmi cu 'Messi ruahnak petu sinah City nih an chimmi cu zarh khat ah £800,000 kan pek lai an ti. Taluk ah zarh khat ah £8500,000 in aa thial lai a timi zong an um.
Zarh khat ah £500,000 a hmumi Cristiano Ronald cu Messi nih a tel cikcek cang lai. Ref: The sun.