Angelina Jolie nih Zahara 12, cu a hngakchiat tein aa cawmmi a si. Zahara a nu Mentewab Dawit Lebiso 31 hi 2005 ah an rak tlaihhrem pinah a rak dam lo tuk i, a fanu cu bawhte a si lio in a rak hlawt. Jolie nih aa cawm i atu hi cu kum 12 a tling cang. Ethiopia in a nu nih a rak ngai tuk cang i, Jolie sinah zaangfa a rak hal.
Ka fanu te hmuh ka duh tuk cang; zaangfahnak tein ka fanu ka hmu kho hnga maw tiah Jolie cu zaangfah a rak hal. Libiso nih a chimmi cu 'a nu ka nung ko rih timi hi ka fanu nih rak thei ve seh ti ka duh. Ka sinah kirter than cu ka duh lo. A langpar in kan i chawn lai i, bia kan i ruah lengmang lai' tiah a nu nih a chim.
Keimah naak in Angelina tu hi a nu bantuk deuh in a ummi a si. Bawhte a si lio in Jolie sinah a um cang. Mah ruangah hin ka ngai lo tinak a si lo. Ka ngai tuk hringhran ko. A zungzal in ka hlam i ka ngai. Ni fatin in ka hlam peng. A aw theih le a hmai hmuh ka duh tuk hringhran ve cang. A birthday zong ka lawmh pi kho lo tiah a ngaihchiatnak a langhter chih.
Ka fanu Zahara he chawnh lengmang ka duh. Jolie ka hal lai i, keimah he kan i chawn te lai. Chawnh ka duhnak Jolie sinah ka halmi hi a tam tuk in ka ruat lo. Zalong tein a ka cohlan ko lai ka zumh tiah a chim chih. Jolie hmaikhah lonak a ngeihnak zong a lang ve.
Jolie 41 le Brad 53 cu an fale zohkhanhnak kongah an i doh cuahmah lio a si. An i cuhmi lakah Zahara zong aa tel ve. Ref: The sun.