ARNOLD Schwarzenegger nih President Trump a phomh hi voikhat lawng a si ti lo. ARNOLD nih a chimmi cu Abraham Lincoln le Ronald Reagan hi ka uar tukmi hna an si caah Republican Party hi ka dirkamh pengmi a si. Asinain Republican Party iang ngeihnak a um ti lo a ti.
President Trump Muslim khamhnak kongah a vun i thlak than. Campaign lioah voikhat a rak phomh bal cang. Atu hi a voihnihnak a si. Arnold nih a chimmi cu Trump Muslim khamnak cu 'US mui a chiatter tuk' a ti. President Trump nih Inn Rang timhtuahnak a ngeihmi a tling lo tuk. Inn Raang a chambau tuk a ti rih.
A chim thanmi cu 'President Trump Muslim khamnak nih US mihrut a lawhter tuk' a ti. Arnold hi California ah uktu rian kum 2003 in 2011 tiang a tuanmi a si. 'Kan buainak hram taktak cu timhtuahnak an ngei lo tuk' a ti.
A luan cia ningani ah khan President Trump nih president nawlngeihnak in Muslim khamnak min a thut. US ramchung ah Refugee kip kan luhter rih hna lai lo a ti; Muslim ram pasarih zong kan ramchung ah kan luhter rih hna lai lo a ti.
Vawleicung ram kip in an rak mawhchait cio. President thing Obama zong nih 'Trump thil tuah hi kan ram zulhmi nunphung le lam a si lo tiah a vun chim ve cang. Asinain President Trump nih kan ramchung buainak hmanh phisin cawk loin kan ngei cang. Kan luhter cangmi hmanh chung hmanh ah kan ral an tam tuk cang a ti. Ref: The sun.
Nupi Ngei Cia Ka Boss He Ka Tlu Than Lengmang: Zeitin Dah Ka Tuah Lai?
-------------------------
An Nawl Chih Len Hna Zongah An Kah Thiamthiam Hna
-------------------------