Ngaknu tleirawl Nicole Cairns 19 hi a facebook hmang in tlangval biaruah a thawng ngaimi a si. Voikhat cu tlangval pakhat Decklin Law, 20 he bia an i ruah hnuah a umnak inn khan rat i party hman ding in a sawm. Ngaknu dawh te he caan hman cu a duh ve caah a rak ra taktak.
Asinain amah lawng rat loin a hawi Connor Mather, 20 aa sawm chih ve. Facebook ngaknu muidawh inn ahcun an rak phan. Asinain tlangval he caan hman duh le thil dangdang tuah duh ruangah rak si loin tinhmi pakhat an rak ngei. A tlangval Jordan Richardson, 20 he ramh duh ah namte in an rak bawh hna.
Asinain Decklin Law le a hawipa nih cun mah bantuk cun kan tong lai timi hrimhrim an rak i ruah lo. Online ngaknu nih cun duhnak le thil dangdang tuah pi duh ruangah si loin ramh duh ah a rak soilemmi a rak si. Ngaknu inn an phak cun 'nan tangka le nan thilri vialte kan pek u' tiah namte he an rak dironh cang hna.
Ngaknu tlangval Richardson le Law cu an i phomh colh. Asinain namte in a hmur ah a ah. Law le a hawipa cu an zam manh, asinain police nih ngaknu le a tlangval cu an tlaih hna i, biaceihnak zung ah an i tong hna. Law nih facebook i ngaknu Cairns he bia an i ruahnak vialte a phuan dih.
Richardson cu thong ah a um ko rih, asinain facebook ngaknu tu cu caan karlak an chuah chung. Hriamnam he midang ramh nan timh hna tiah sual an phawt hna. Thong ah an pahnih in an thlak hna lai tiah biaceihnak lei upa nih an chim. Ref: The sun.
A Sianghngakchia A Tuah Pi Caah A Mualpho Cikcek
------------------------------------