A thongthong in US ralkap thlithup information lengah a chuah i, US leirawitu Chelsea Manning cu kum 35 chung thongthlak ding in a bia khiahpiak a si nain President Obama nih a term a dih lai ni tlawmpal aa duh ah May 17, 2017 ah luatter than ding in nawl a chuah.
US hruaitu upa tam tuk an thinghung. Asinain Chelsea Manning nih nilini ah Guardian ah ca a vun tial. Mipi an khuaruahar dih. President Trump tiang in a khuaruahar. President thing Obama cungah lunglawmhnak chim lehlam loin fak taktak in a thang a vun chiat. A tialmi cu 'President Obama rian a tuan chungah a hmun dingmi tlawmpal te lawng hlawhtlinnak a ngei' a ti.
A peh thanmi cu 'hruaitu santlai lo a si' tiah a tial chih. Wikileaks sinah US thlithup informations tam tuk 2010 ah a pek hna caah 2013 ah ah a sual tiah kum 35 chung thongthlak ding in a bia khiahpiak a si. US tuanbia ah a tam bik thlithup document a chuahtertu a si.
Asinain President thing Obama nih 'second chance' a hmuh awk a si ko a ti caah 2045 ah chuah dingmi cu May 17, 2017 ah luatter ding in min a thut. Asinain Obama kut lehlam a sehpiak. President Trump nih 'lunglawmhnak thei lo leirawitu Chelsea Manning' tiah a auh. A chuak kho ding a si lomi a chuahtu lehlam hruaitu santlai lo a ti. Khuaruahhar a si' tiah Trump nih a tial.
A min taktak cu Bradley Manning ti a si i, nudok-padok a si. US ralkap a tlak in nu ah aa thleng than. Cuticun Chelsea Manning tiah a min zong aa thlen. Ref: BBC.