Wrestling Uartu Hna: kum tin in tuah tawnmi Royal Rumble cu January 29 (Sunday) ah a si lai. US ummi hna caah sunday zanlei ah zoh khawh a si lai i, India lei a ummi hna caah Nikhatni 6:00 PM/ 8:00PM ah zoh khawh a si lai. Royal Rumble ah zei bantuk Special dah a um lai?
Pakhatnak ah lehrul chamnak a um lai. Ring chungah WWE Superstar minung an lut lai i, an i phomh hna lai. A donghnak tiang a dir khomi cu a ra laimi Wrestlemania ah Championship cuhnak caan tha a ngei lai. Cucaah an i ngeih tuk cang hna. Sunday phanh lai lawng an hngahhlang cang.
A nuam khun dingmi cu Superstar 30 chungah Brock Lasner le Bill Goldberg an i tel lai. Wrestlemania caah Championship an duh lawng si loin lehrul chamnak an ngei fawn lai. Tuan deuh ah khan Brock Lasner nih Bill a challange i minute pahnih hlanah Bill nih zohchia taktak in Brock Lasner a tei. Brock nih lehrul cham aa ngeih tuk cang.
San Antonio, Texas i Alamodome chungah a si lai. Universal championship cuhnak zong a um lai i. Roman Reign le Kevin Owens an si lai. Chris Jericho nih rak khamh manh hlah seh law Universal championship cu Roman liang cungah aa thlai cang hnga, asinain Royal Rumble ah caan tha a ngei rih.
Voihleinga championship a tlai cangmi John Cena le WWE World Champion AJ Style an i phomh than lai. John Cena nih a tei ahcun Ric Flair a tluk cang lai. WWE Superstar ah championship a hmu tam bik a si lai. Tutan Royal Rumble cu kum dang naak in a nuam lai i, mipi zong an tam khun lai tiah zumh a si. Rak i tim ve! Ref: The sun.