Nu-va le ngaknu-tlangval karlak ah thil cangmi le an ton taktakmi thil cang hna kong a tanglei bantukin kan tial. Nuva le ngaknu-tlangval nih nihin ah an ton cuahmah cangmi kong an si. Nu le va karlak ah theihthiamnak ngeih hi zeitluk in dah a herh timi a langhter i, chungkhar hi a thli in a rop kho timi zong a langhter.
Ka nupi a hawi tha bik he thlithup pehtlaihnak kan ngei. Khuaruahhar a rak si ko. Tuan tein rak theih loin..amah he tu in kan rak um ti ding a rak si. Kum khat hrawng ka theih cang i, ka mit a ka hlannak nikhat hnu nikhat in a thawng chin lengmang.
Kum 34 ka si i, kum 32 a si. Kan nupi he an kum aa khat bak te an si. Ka nupi ta a thih in thil sining a vun i thleng thluahmah. A nupi nih a kal tak hna i a fale kan sinah an um. Minung kan tam tikah kan dirhmun a chia chin lengmang.
Ka nupi zong tangka hman kongah kenret thiam a si lo. Innchungkhar riantuan zong ah bochan tlak a si lo. Nu-va kan sinak zong ah duhnak tuahpi a duh phun a si lo. Chung sivang in a ka tuah lengmang. Cuticun nuva kan sinak zong hmang kho loin kan um lengmang.
Keimah caah cun a har i ka nupi caah cun zeihmanh a poi lo. Asinain caan tha ka bawh lengmang cang. Voikhat cu a hawinu he nirukni zan ah an leng. Inn ah keimah le a ta fale pali he cun kan um hna. An i si hna i a tap zong an um hna. Tuaicurh cun kan um hna. An nu cu phone ka chonh i a tlai ti lo.
A hawinu inn ah ka chonh i kan inn ah a ra colh. Beer hna kan ding i hngakchia zong a hnemh pah hna. Caan remh ah kan biaruah le kan i pehtlaihnak a luan i kan tuah. Zeitik paoh ah chonh khawh ding in bia a ka kamh cang. A kiptuh leiah ka lunglawmhnak chim pah in beer cawk ka sawm.
A pasal leng a chuah caan poah ahcun a siangpahrang bang duh ning in ka ceng kho lengmang cang. Kan i pehtlaihnak hi duh taktak in kan duh i cang. A pasal hi a khiar taktakmi a si i, nawl a ngei tuk. Ka nupi zong tlukceo le keucheu bak te a si ve.
Zeitin dah kan um ning a si lai? Hitihin kan dirhmun a si cang. Nun nuamh lioah nun har zong a rak um. Kap hnih in rengh le zam kan si cang. Kan tuanbia a langh ahcun buainak a tong ding kan si. Zeitin dah kan tuah lai?
Ruahnak peknak: na pehtlaihmi nu he naa hlat a hau. A pasal cungah a lungtlin lonak sersiam zuam seh law a si khawh lo ahcun chuah tak zong a poi lo. Nangmah zong na nupi sinah na dirhmun tha tein chim law nuva nan sinak tling seh.
A chimmi bia ngai law mawhchiat lengmang lo hi a tha. Zeitluk in dah na nupi caah bochan tlak na si timi langhter. Na nupi nih a theih hnu ahcun na caah sian lomi a ngei ti lai lo. Pacan dirhmun an dir ahcun na nupi nih a nun sersiam loin a um hrimhrim lai lo. Ref: The sun.