Mexico le US ramri vampang saknak kong hi nai hrawng cu a linsa chin lengmang, zeicatiah President thimmi Donald Trump nih vampang saknak hi Mexico nih tangka an liam lai a ti. Mexican President thing nih cun 'bator vampang ca tangka kan chuah naisai lai lo' tiah fak ngaiin a chim.
Nithumni ah Mexican President Enrique Pena Nieto nih a chimmi cu 'Trump cozah thar he tha tein pehtlaihnak ngeih kan duh, asinain kan ramri vampang saknak caah tangka kan liam lai lo. Kan ram pahnih karlak kong cu cabuai cungah ceih ding in aa ong dih ko' tiah a chim.
A chim thanmi cu security, mipem le chawlehthalnak kong vialte tiang in kan ceih than khawhmi lawng an si ko tiah a ti. Asinain Mexico in US ah ningcang lo mipim an luh ti lonak ding ah vampang kham a duhmi kong ahcun tangka kan liam hrimhrim lai lo. Ram pakhat kan sinak zong upat a hau i, Mexican kan sinak zong upat a hau tiah a chim.
Trump nih Mexico ah aa thialmi company pawl zong US ah thil an rak zuar tikah tam deuh in tax kan lak hna lai a ti. Mexican President Pena nih 'hrocernak le thihpheihnak' in company ngei pawl hi kan thihpehih hna ding an si lo. Hi bantuk zong hi ka cohlan khawh lomi a si a ti.
Trump he ton ding in timhnak a ngei, President thar Trump he pehtlaihnak tha ngei ding in ser aa zuam ko. Kap hnih thathnemnak kan kawl ti lai a ti, asinain Trump nih chawlehthalnak kongah hnatlak kan sermi hi Mexico lawng a miakter i, US a kan sunghter a ti ve. Ref: VOA.