Kum 28 a si cang i, ka nunnak ah tonmi tam tuk ka ngei cang. Keimah duh tein a nung i khua a sami ka si. Naite ah keimah naakk in kum 10 in a no deuhmi he kan i tong i, neihniam ngaiin kan ummi hnu cun duh caan paoh ah pumsa pehtlaihnak a kan ngeihter lengmang.
A caancaan ah tonnak kan ngeih lengmangmi nih a kan nuamhter tuk i, zeidang vanhai loin kan hnangam. Asinain kan duhmi cu zeidang tiang khi a si lo. Kan pumsaduhnak tlinter tiang dah ti lo cu zeidang kan ruahmi a um lo. Asinain ka chungkhar le ka hawile nih an hna an ka tlak pi lo tuk.
Ka unau vialte nupi le pasal an ngei dih cang i, fale he khua an sa dih cang. Ka hawile zong an si thiamathiam. Asinain atu ning in cun chungkhar in khuasak ka duh rih lo. Atu tiang rih ahcun chungkhar tiang sernak khi ka ruat rih lo. Asinain chungkhar ngeih ka duh lo cu a si fawn lo.
Asinain ka um nuam ti lo. Atu lio kan tuah lengmangmi zong hi a palhnak pakhat hmanh ka hmu lo. Keimah zong nih ka hnatlak pi i, ka tlangval pa zong nih hnatlak tein a ka um pimi a si. Lungtling veve in kan um timi le caan kan hman timi a si ko caah zeidah a palhnak a um? Keimah le keimah zalong tein kaa nuam kho ko lo maw?
Goleen Lehnak
Midang cungah harnak na pek hna hlan chung poah cu na nunnak naa nuam kho ko. Atu lio ahcun nangmah zong naa nuam i na tlangval pa zong aa nuam ko. Asinain hitihin nanmah le namah nan i hman peng lengmang ko ahcun pasal tha dang ngei kho ding in caan an khampiak te lai.
Pumsaduhnak lawnglawng nan kawl pengmi hi nangmah caah dawntu a si lai. Midang pakhatkhat he nunchung in um tinak zong na ruah ding a si. Atu ah cun na ruat kho lo men ko lai nain hmailei ahcun na ruah a hauh caan a phan te lai. A donghnak ah, hi thil na tuahmi nih na chungkhar le na hawile he an thenter hlah seh. Ni khatkhat ahcun na herh te hna lai. Ref: The Sun.