Minthang hna nupia tiin theih tawnmi kuai ning le karlak thil cangmi lam caan a chia chin lengmang. Christmas laksawng a fale pek i, caan hman ti ding in Brad Pitt nih timhnak a ngeihmi cu Angelina Jolie nih a sianh lo caah suimilam 4 chung te lawng caan a pek.
Brad Pitt zong fak ngaiin a thinhung cang. Naite ah Los Angeles bieceihnak zungah Brad Pitt nih Jolie cu an vun phomh cang. Jolie nih social media hmang in a fale kong lengah chuahter a duh lo. Ka fale konglam hrimhrim lengah chuahter a duh lo a ti. Pitt sihni (lawyer) nih 'Jolie nih a fale kong hi tongta kham in a kham ding a si lo' tiah biaceihnak zung ah ca an chiah.
December 21 ah khan Brad Pitt le a sihni nih Los Angeles court ah ca an tial i, 'an fale kong a siah an i thennak kong a siah leng chuak loin an kham lengmangmi hi zeiruangah dah a si timi kan fianter u tiah ca an tial. Kan fale konglam leng chuak loin thuhnawh lengmang hi 'kan fale caah thatnak a ngei lomi a si' tiah Brad Pitt le a sihni nih biaceihnak zung ah ca an tial.
Biaceihnak nih an cohlanpiak hna le cohlanpiak hna lo January 2017 ah a fiang te lai. Biaceihtu nih kan cohlanpiak hna seh law ti zong an duhsaknak an langhter. Los Angeles ah phuan a si te lai. Naite ah ka fale ton le caan hman pi ka duh hna tiah Brad Pitt nih a hal i Angelia Jolie nih a sianh lo hnu cun a thinhung ngai cang.
Keimah lawng zong Christmas ka hmang ko lai a ti. November ah khan Jolie sinah an halmi cu Brad Pitt nih a fale he minute 30 in 60 karlak tbk caan a ngei kho lai maw tiah an hal i, Jolie nih a cohlanpiak hna lo tiah TMZ website nih a chim. Atu lio an dirhmun ah cun an nu Jolie cungah an fale an um dih. Brad Pitt cu lungkuai le thinhung in caan a hman lio a si. Ref: The Mirror.