Pew Research Center nih US Congress upadi sertu hna konglam an hlat tikah 90.7% cu Khrihfa an si tiah an phuan. Pew nih a chimmi cu 'nihin US Congress ah Khrihfami an tam tluk tein 1960 hrawng zong an rak tam' tiah research an tuahmi a phuan.
1960 hrawng lio i US Congress dirhmun zoh tikah 95% hrawng cu Khrihfami an rak si ve. 2017 chungah Congress chung i upadi sertu hna zong hi 91% cu Khrihfami an si. 91% chungah 31.4 hi Catholic Khrihfa an si i, 13.5% hi Baptist Khrihfami an si. 8.5% hi Methodist an si i, 6.5% hi Anglican or Episcopal an si. 6.5% hi Presbyterian an si.
US ah a thawng bik Khrihfabu cu Roman Catholic an si i, a changtu ah Southern Baptist an si i, a vun changtu ah United Methodist an si. Pew nih an phuan thanmi cu Democrats lei an siah Republican lei an siah tam deuh cu Khrihfami lawng te an si.
Congress thar ah Republican 293 an um i, pahnih cu Jewish republican an si. Democrats ah cun 242 an um i, Jew miphun 28 an um i, Buddhist pathum an um; Hindus pathum an um ve. Muslim pahnih an um i, Unitarian Universalist pakhat a um. Democrat leiin minung 10 nih cun an biaknak konglam chim an duh lo.
A voi 115 nak Congress thar le a voi 114 nak Congress zoh tikah tu kum hi tlawmpal te Khrihfami an zor deuh. January 2015 i Congress ah khan Khrihfami an rak tam deuh. Ref: TCP.