Ka tlangval he pumsa pehtlaihnak kan tuah, asinain hotel lengmang ah a si i, kan konglam hi lengmang ah a chim duh bal lo. Ngaknu hawikawm a ngeih ka theih ko nain ka duh lo i, kan tuah bal lo tiah a ka chimh. Cuticun thla nga chung kan i tong lengmang. Zarh khat ah voikhat poah cu hotel ah a ka kal pi lengmang.
Kum 27 ka si i, ka pasal he kan i then. Atu ka thlangval cu kum 43 a si i, a thlithup in a ummi a si i, ka sinah hin thuhmi ngei loin um seh ti hi ka duh i zeihmanh hi ka sianh lomi a um lo. Asinain a bawngbi zal chungin catlap a tlak i, a hawinu he inn an cawk tiang zong zeihmnah a ka chim duh lo.
A ka chimhmi cu kan duh ko. Atu inn ka cawkpiakmi hi cu dai tein um cang seh ti ka duh caah a si tiah a ka ti. Voikhat ah a phone message ka hmuh than i, Seychelles ah holiday hman timhnak an ngei than. Kan pahnih caah a cawkmi a si rua tiah ka ruah i, a hawinu ca tu ah a si diam. Ka tonh tikah a ka ti thanmi cu 'a donghnak holiday ka hman pi a si cang lai' a ka ti.
A ka duh taktak maw timi theih duh ah bia ka hal. Kan hnu thla ah zeitluk in dah ka cungah pumpeknak a ngeih taktakmi ka hal i, a chimmi cu kutdonghrolh thlennak kan tuah lai tiah a ka kamh. Asinain a ni le caan a phak in a let than. Ka farnu nih a hnuah a theihmi cu a hawinu kha a nupi a rak si diam. Ka tonh than tikah 'ka then colh lai' tiah a ka kamh than.
Asinain ka zum kho ti lo. A biakam a let lengmang. A ka duh ko ruah tiah ka ruahmi cu a duh caan poah hman awk men ah a rak ka ruah diam ko rua. Ka lungthin a khuai hnuah maw thlah a hauh te ko lai. Zaangfahnak tein ruahnak ka pe u!
Deidre: Na zumh khawh lomi cu khuaruahhar ding a si lo. Zumh awk hrimhrim a tlak lo. A nupi he inn an cawk ko ahcun a nupi cu a then hrimhrim lai lo. Zeiruangah dah zu a si na theih ko bu cun nangmah le nangmah cu na mit naa cawtter lengmang peng. A rannak in then law 100% in an dawtu ding minung hmuh i zuam ko. Ref: the sun.
Ngaihthlem In Trump Nih Putin A Thongh Bantuk A Si
-----------------------------------------
-----------------------------------------