President Trump Muslim khamnak cu US Federal baceihtu nih an phihpiak chung. President Trump Muslim khamnak in ram kip ah a tangmi US Visa ngei khualtlawngmi vialte, a hleiin Muslim ram sarih hna cu vanlawng cungah kaiter in an duhnak hmun kip ah khualtlawng cang hna seh tiah nawl an chuah.
Federal Biaceihnak nih biachahnak an tuah tlawmpal ah U.S. Customs and Border Protection nih khualtlawng pawl hna cu vanlawng cung ah an kaiter thluahmah hna. Asinain Justice Department nih kan doh ve hna lai tiah timhnak an ngei. Federal biaceihtu leiin Washington Attorney General Bob Ferguson nih a chimmi cu 'Trump Muslim khamnak kan dohnak kongah phunghram charhchan dingmi khatthup kan ngei ko. A herh ahcun Supreme Court tiang zong kan phan lai' a ti.
Inn Raang leiin an chimmi cu 'President Trump Muslim khamnak hi 'phungning a si pinah a herhmi a si. President nawlchuahmi hi kan ram himter duh ruangah a si. Phunghram nawlngeihnak zong a ngei i, American mipi runven ding in tuanvo zong a ngei. Federal biaceihtu nih hi bantuk thil an tuah cu 'thinhung' ngai a si. President nawl chuahmi hi upadi ning a si ko. Presidnet nawlchuah kan dirkamh lai' tiah White House Press Secretary Sean Spicer nih a chim ve.
Washington State Attorney General Bob Ferguson nih cun 'Trump nawlchuahmi hi phungning a si lo pinah phunghram he zong in aa kalh, zeicatiah miphun dang biaknak thleidan ruangah hi bantuk khamnak tuah cu upadi ning a si lo' a ti ve. Federal biaceihtu nih Trump Muslim khamhnak an phihpiak thanmi cu Trump cozah caah zuamcawhtu ngai a si.
President thing George W. Bush nih a rak khanhm Federal Biaceihtu James Robart nih ningani ah biachahnak a tuah i, Trump cozah nih khammi paoh onh than a si cang a ti. Washington Governor Jay Inslee nih a vun thangthat colh. 'President telh in ahohmanh upadi cungah kan um lo' a ti. 'President Trump Muslim khamnak cu phih chung a si cang' tiah Attorney general, Bob Ferguson nih a chim.
Washington i khua lian pakhat Seattle biaceihnak i Federal biaceihtu James Robart nih a chuah pi i, a hnuah Minnesota state nih an vun dirkamh hna. Federal biaceihnak nih an chimmi cu states cio nih President Trump nawlchuahmi hi upadi phung in tazacuainak nawl kan ngei an ti.
'President Trump Muslim khamnak hi kan phunghram he aa kalh tuk timi fiang tein kan hmuh caah atu bantukin kan phih thannak a si' tiah National Immigration Law Center i Staff Attorney Nicholas Espiritu nih a chim. Federal biacehnak nih President nawlchuahmi an phih thanmi cu sandanpiahtu hna caah teinak ngaingai a si lai. Ref: CNN.
Ngaihthlem In Trump Nih Putin A Thongh Bantuk A Si
----------------------------
Zeitluk In Dah President Trump Nih Pathian Aa Bochan? Rel Ve!
--------------------------------------------