British SAS ralkap Peter Atilla, 46 cu Afghanistan ah thla ruk a um hnuah a rak tlung i, nu pakhat sinah a riak. A riahmi nu nih a timi cu kan it ti ko lai asinain kan tuah lai lo tiah fiang tein a chimh cia. Cuticun an pahnih hnatla tein an it ti. Zan ah cun mitkuh thaw in an it ti ko.
Asinain nu a hnulei in Peter nih rem thup in a kuh i, aa hngilh diam. Ruah lo piin a fate a tap i, a vun i hlau. A mit a vun au cu Peter cu a cungah a rak um diam cang. A mit aa au, a kam aa seh i, Peter cu a thlen he a rak cawl len ko cu a hmuh. Nu nih zeihmanh a rak thei lo.
Merthyr Tydfil biaceihnak zung ah a chimmi cu 'ka mit ka vun au i, ka vun zoh cu chuklei in a ka zoh i, aa ka maalit hlah maw ti awk in a cawlcang len ko. Ka lau tuk' tiah a chim. Bia an halmi cu 'zeiruangah dah tuan deuh ah na hlauh lo an ti i, 'ka thei ve lo' tiah a leh hna. Nu nih a chim thanmi cu Afghan in a rak tlun ah hin a thinhung, zu a ding i, dong loin kuak a zu a ti.
Biaceihnak zung ah (hartong nu) a nu nih a chimmi cu 'Peter nih ka tlaihrem' tiah a ka ti tiah a chim. Zing lei an thawh hnuah nu nih Peter zeiruangah na ka tuah tiah a tonh i, 'zeihmanh ka thei lo. Kaa hngilh ko. Zeihmanh kaa cinken lo' a ti. Police sin zong ah Peter nih a chimmi cu 'nu nih a ka tuah a ti ahcun a si ko lai teh' tiah a ti hna.
'Asinain ka thei lo' a ti. Peter nih cun ka thlaihhrem lo a ti. Atu tiang an kong ceih a dih rih lo. Peter hi Royal Logistics Corps ah kum 16 chung ralkap rian a tuan cangmi officer pakhat a si. 'Ka tlaihhrem le thlaihhrem lo ka thei bak lo. Ka hmawt caah a si ko lai' tiah biaceihnak ah cun a chim. Ref: The sun.