Naite ah Iran nih missile hneksaknak a tuah. President Trump le a cozah lung a tling lo ngai. Missile a hneksak lawng si loin Yemen hmunkhur tapung Houthi zong a bawmh hna an ti. US National Security Adviser Michael Flynn nih fak ngaiin a vun chim.
Flynn nih nithumni ah fak ngaiin Iran cu a vun hrocer hna. Hneksaknak nan tuahmi hi UN biachahnak nan buar zong a si i, thinhunnak ser nan i timh zong a si' a ti hna. A chim thanmi cu 'Iran nih pehtlai in missile hneksaknak a tuah lengmang lawng si loin Yemem tapung zong a dirkamh peng hna i, kan hawile an doh hna' tiah a chim chih.
Inn Raang in a vun chim thanmi cu 'tu ni thok cun official tein na cawlcangh kan in zoh cang lai' tiah ralrin peknak bia a chim. Zei tiang dah US nih Iran cungah hma a lak lai timi a chim lo. Nithumni ah Trump cozah upa pathum nih an chimmi cu 'US nih Iran cungah zei bantuk renghnak dah kan tuah lai timi biachahnak a tuan deuh rih' an ti.
'Lam dangdang in zeitin dah Iran cungah rian kan tuan lai timi kan ruah lengmang lio a si. Timhnak cu kan ngei ko' tiah official pakhat nih a chim. Sipuaizi dantatnat zong aa tel kho; tangka lei dantatnak zong aa tel kho; ralkap lehrulnak zong aa tel kho an ti. Kan cabuai cungah lam kip in Iran lehrulnak lam a um ko' an ti.
Iran's Foreign Ministry leiin an chimmi cu 'zarhpini ah missile hneksaknak kan tuahmi hi thil dangdang caah kan tuahmi a si lo. Kan ram runvennak caah kan tuahmi a si. UN biachahnak kan buar hrimhrim lo. UN nih a kan khammi cu nuclear a phur khomi missile hneksak lo ding ti a si ko. Kan tuahmi thil hi zeidah a si timi kan theih ko' tiah nihnihni ah fianternak a vun tuah ve. Ref: CNN.
Obama Refugee Hnathlaknak Nih Trump Le Australiam PM Turnbull A Sukter Hna
---------------------------------------