Centre for Disease Control (CDC) nih research an tuahmi an phuan. Kum hleihnih a si hlan in sex a tuahmi nu cu Pelvic Inflammatory Disease timi zawtnak ngeihnak ding ah a let riat in lam a um. Pa pahra leng he sex a tuahmi nu cu pa pakhat he a tuahmi naak in a let thum in PID zawtnak ngeihnak lam a um deuh an ti.
Pa pakhat he a tuah lengmangmi nu caah cun ral a um lo, asinain nu pakhat nih pa dangdang pahra leng tiang a tuah lengmang ahcun Pelvic Inflammatory Disease timi zawtnak ngei a fawi te. Pa thilri cung i a ummi zawtnak nih nu caah a let tum in zawtnak chuahternak lam a ngei. Nau ngeih khawh lonak tiang a phakter an ti. New Study nih a ruang dangdang an chim rih.
Nau ngeih khawh lonak tiang a chuahter lawng si loin zungzal in pang/paw fahnak tiang a phakter an ti. Hi bantuk harsatnak a tong deuh nu hi pa tam deuh he caan a hmangmi an rak si. Zeidah an chuah pi ti ahcun "chlamydia" le "gonnorrhoea" tbk zawtnak an rak chuahter. A hleiin aa ralring lomi nih an ton khun. Aa ralringmi nih cun an tong tuk fawn lo.
Hi bantuk zawtnak thurhnawm nih a chuahter thanmi cu naupawi tlamtlin lonak a ser. 2015 ah report nih a chimmi cu US ah chlamydia zawtnak hi 1.5 million nih an ngei i, gonorrhoea zawtnak hi 400,000 hrawng nih an ngei.
Research tuahtu nih a donghnak ah an chimmi cu 'doctor sinah caan hmaan tein chek-up tuah a herh i, ralring tein sex tuah phung zulh a hau an ti. CDC nih an chimmi cu 'hi zawtnak symptom cu pang a fak, taklinh a um tawn, thi chuah a hmaan lo, tuah tikah thi a chuah lo ahcun a fak, zunzun tikah a lin i a fak' an ti.
Tuan ah theih ahcun thlop khawh a si. Asinain zawtnak nih a hrawh cangmi nau inn remh than khawh a si ti lo. Pelvic inflammatory disease timi cu nu nau inn zawtnak a si. Nu kip he caan a hmangmi pa he tuah hi a a tihnung khun. Ref: The sun.
Federal Court Le Trump Cozah An Phomh Cang Lai: Ahodah Teitu A Si Lai
----------------------------------