Muslim a khammi kongah Federal biaceihtu le Justice Dapartment lei minung biaalnak an ngei. California based 9th Circuit Court of Appeals nih a rauh hlanah biachahnak an tuah lai tiah zumh a si. Biachahnak an tuah hlan chung poah cu Federal biaceihnak nih an phih chung ning tein a um rih lai.
'Zahan zan ah ka zoh ve hna i ka khuaruahhar tuk. Ka zumh khawh lomi thil hna ka theih. Ka chimmi he aa pehtlai lo tukmi tiang in an i almi ka theih' tiah Washington in nithumni zing ah a zai pah in a chim. A chim thanmi cu 'kap hnih sihni biachim ka ngeih i, 'aa pehtlai lo tukmi thil hna an chim' tiah Trump nih a sivanghnak a chim.
TV in an biachim ka ngeih hna i, ningzak an si. Kan biaceihnak zung zong hi political mit lawng te an au cang. Sianginn ka kai lioah sianghngakchia tha ka si. Ka theihhngalhnak a tha tuk. Midang naak hmanh ka tha deuh lai tiah kaa zumh. Muslim khamnak caah nawl kan chuahmi ca hi a tha i a fiang tuk. US kan dirhmun chung huap in ka tuahmi a si' a ti.
Ngaihchia ngai a si ko. Ngaihchia ngai ni a si ko tiah a nolh cip. Washington i police upa hna sinah a chimmi cu 'nawl kan chuahmi hi high school sianghngakchia thalo hmanh nih an fiang lai i, ka leiah an tang lai' tiah a chim chih. US ah ahodah a lut kho lai timi nawlngeihnak cu US President cungah a ummi a si tiah a nawlchuahmi an khampiakmi cungah a thinhunnak fak ngaiin a langhter. Ref: CNN.
Trump Muslim Khamnak Kongah An Biaalnak: Biachahnak A Chuak Colh Lai
-----------------------------