Jean-Claude Van Damme le Dolph Lundgren cu film thar zeih ding in timhnak an ngei than cang. Minthang veve an si. An film kip zoh an nuam i, uar an um veve. Asinain an film kip ah ral an si deuh lengmang i, an min vun chim veve paoh ah cun aa hua ngaimi zong hi an lo thulh.
Tutan an i zeih dingmi cu 'Black Water' ti a si i, an tang ti lai. An i zeih dingmi hi Chad Law nih a tialmi a si i, thlithup sungthoh riantuannak a si lai i, Van Damme can dingmi a si. Sungthoh rian a tuannak ah an tlaih lai i, Dolph cu nih a rak khamh lai. An i zeih dingmi film hi harsatnak zong aa tel ngai dingmi 'Action' bak a si.
Tu kum chungah an thok lai i, 2018 kum hramthok hrawng ah cun chuah ding in timhnak an ngei. Van Damme le Dolph Lunggren hi film zeihnak ah tuanbia sau pi an ngei cang. 1992 hrawngah 'Universal Soldier' an rak i zeih; 'The Expendables 2' zong an i zelh. Atu zong an pahnih in manh lo ngaiin film an i zeih veve lio a si.
Lunghren cu 'Dead Trigger' le 'Altitude' aa zeihmi kongah an buai ngai lio a si; cu pinah TV lei flilm zong aa zeih lengmang. Van Damme zong 'Kickboxer Retaliation' film ah a buai cuahmah lio a si. An film a chuah dingmi hna hi a tha ngai ding lawng te an si. An chan a ziam cuahmah cang nain an minthannak cu a dai kho hlei rih lo. Ref: Contactmusic.
A Paw An Soiselpiak I, Lady Gaga Nih A Serhleih Lehlam Hna
---------------------------------