US Vice President Mike Pence cu Belgium khuapi Brussels i NATO headquarters ah a tlawng. Nikhatni ah bia a chim i, President Trump nih media a dohnak kong fianternak le runvenak zong a chim. 'Media nih a hmaan lo ning rian an tuan tikah kan auhkhuanh peng ko hna lai' a ti.
Pence nih a chim thanmi cu media hi zalong tein riantuan hna seh ti kan duh; doh kan duh hna lo; President Trump a siah keimah ka siah thazaang kan pek ko hna. Asinain a hmaan lo ning in rian an tuan ahcun kan auhkhuanh peng ko rih hna lai tiah NATO headquarters ah fiang tein a chim.
A hlan deuh ah khan President Trump nih 'media cu American mipi ral nan si' tiah a sik cang hna. 'A ngaingai ti ahcun President Trump hi mipi sinah bia a chim kho lengmangmi a si. Asinain media nih an rian lo an tuan tikah palhnak an ser lengmng. Cucah Trump nih media hmang loin mipi sinah direct a herhmi cu fianternak a tuah khawh lengmang ko' tiah a chim chih.
NATO cungah US lungput zong a chim. President Trump nih cun NATO cu a soisel lengmang nain Pence nih cun NATO cungah US lungput fiang tein a chim. Asinain NATO chungtel nih tangka leiah thazaang nan chuah deuh a hau tiah a chim nolh than. NATO chungtel ram paoh nih an ram GDP chungin 2% hi nan thawh cio lai ti a si.
Asinain a tho taktakmi hi ram 26 chungah ram li hrawng lawng an si. Cucaah President Trump nih a mawhchiat lengmangnak hna a si. Pence zong nih 'cawlcangh caan a si cang. American mipi zong kan lungthin a sau kho cawk ti lai lo' a ti.
National Security Advisor thing Micheal Flynn kongah fianternak a tuah. Flynn nih a ka hlenmi cu ka hnabei a dong tuk. Russian ambassador he biaruahnak an ngeihmi a hmaan ning in a ka chimh lo. A hnuah ka vun theih than cu ka hnabei a dong cang. President Trump nih a rian a dinhtermi cungah ka dirkamh ko' a ti. Ref: CNN.
New York Ah Russian UN Ambassador Churckin A Thi
------------------------------------
----------------------------------