Manchester bompuahnak ah minung 22 an thi i minung 59 an i hliam. US le an hawile thin a hung tuk i fak taktak in an raltuknak vanlawng in lehrulnak an cham colh hna. Syria le Iraq hmunkhur ISIS pawl cei lak in an va phomh colh hna.
ISIS hmun 37 ah raltuknak lawng in voi hleiriat (18) bakte an va phomh hna. Manchester bompuahnak lehrul kan cham hna an ti. An zinaan laknak lam an hrawhpiak hna, an motor an hrawhpiak hna i an hriamnam hmun an hrawhpiak hna.
ISIS hriamnam, rocket, motor le machine meithal le bom chiahnak hmun vialte an phomh cikcek hna. US defence official nih an chimmi cu 'Operation Inherent Resolve' min in kan phomhmi hna a si tiah a chim. ISIS thih le thih lo kong tu cu an chim lo.
Middle East a siah vawleicung ram kip ah ISIS an cawlcangh khawh lonak ding ah kan phomh chin lengmang hna lai tiah a chim chih.
Manchester bom an puah zingka in chun ni tlak deng tiang an va phomh hna. President Trump nih cun 'hlawhtling lo sualnak chuah pitu' tiah a uah hna. Bom a puahtu hi Salman Abed a si tiah an theih cang. Kum 22 a si i ISIS nih an rak lakmi a si. Ref: The sun.